18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
ԱՄՆ-ը պատժամիջոցներ է սահմանել «Լուկօյլ»-ի և «Ռոսնեֆտ»-ի նկատմամբ
Քաղաքականություն
23.10.2025 | 14:38
ԱՄՆ ֆինանսների նախարարությունը հայտարարել է, որ պատժամիջոցներ է սահմանում ռուսական երկու խոշոր նավթային ընկերությունների՝ «Ռոսնեֆտի» և «Լուկօյլի» նկատմամբ, գրում է Meduza-ն։
Գերատեսչությունը հայտարարել է, որ պատամիջոցները սահմանել է «Ռուսաստանի կողմից Ուկրաինայում պատերազմը դադարեցնելու խաղաղության գործընթացին լուրջ հանձնառության բացակայության» պատճառով։
«Հիմա ժամանակն է դադարեցնել սպանությունները և անհապաղ հրադադար հայտարարել։ Հաշվի առնելով նախագահ Պուտինի հրաժարումը՝ դադարեցնել այս անիմաստ պատերազմը, ֆինանսների նախարարությունը պատժամիջոցներ է սահմանում Ռուսաստանի երկու խոշորագույն նավթային ընկերությունների նկատմամբ, որոնք ֆինանսավորում են Կրեմլի ռազմական մեքենան»,- ասել է ԱՄՆ ֆինանսների նախարար Սքոթ Բեսենթը։
ԱՄՆ պատժամիջոցները վերաբերում են նաև «Ռոսնեֆտ»-ի 34 դուստր ձեռնարկություններին։
Մինչ այս, ԵՄ երկրների դեսպաններն էլ համաձայնեցրել էին Ռուսաստանի դեմ պատժամիջոցների 19-րդ փաթեթը։ Այն կարող է ընդունվել հոկտեմբերի 23-ին։
Թարգմանությունը՝ Էմմա Չոբանյանի
