11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Թուրք պաշտոնյան հայտարարել է, թե «Զանգեզուրի միջանցքը» և Բաքու-Թբիլիսի-Կարս երկաթուղին կլրացնեն միմյանց
Քաղաքականություն
22.10.2025 | 18:01
224 կիլոմետրանոց Կարս-Իգդիր-Արըլըգ-Դիլուջու երկաթուղին, որի հիմնաքարը դրվել է օգոստոսին, կդառնա «Զանգեզուրի միջանցքի» կարևոր մասը։ Ըստ ադրբեջանական լրատվամիջոցների՝ այս մասին հայտարարել է Թուրքիայի տրանսպորտի և ենթակառուցվածքների փոխնախարար Օսման Բոյրազը Թբիլիսիի «Մետաքսի ճանապարհ» 5-րդ համաժողոցի «Միջին միջանցք. հուսալիությունից մինչև արդյունավետություն» պանելային քննարկման ժամանակ։
Նա ասել է, թե, այսպես կոչված, «Զանգեզուրի միջանցքը» և Բաքու-Թբիլիսի-Կարս երկաթուղին միմյանց այլընտրանք չեն լինի, այլ կլրացնեն իրար։
Թուրք պաշտոնյան նշել է, թե Թուրքիան կշարունակի ջանքերը՝ Միջին միջանցքի ներուժը լիարժեքորեն իրացնելու համար։
Հավելենք, որ, մասնավորապես, Վաշինգտոնում օգոստոսի 8-ին ստորագրված համաձայնագրերով որևէ «Զանգեզուրի միջանցքի» մասին խոսք չկա։ Դրանցում նշվում է «Թրամփի երթուղու» (TRIPP) մասին, սակայն Բաքվի քարոզչամեքենան ու ադրբեջանցի պաշտոնյաները, այդ թվում՝ Թուրքիայի նրանց որոշ գործընկերներ, շարունակում են «միջանցք» եզրույթն օգտագործել՝ խեղաթյուրելով նաև ստորագրված փաստաթղթերի բովանդակությունը։
Թարգմանությունը՝ Էմմա Չոբանյանի
