28.10.2026 | 21:44
Պուտինը հայտարարել է, որ թուրք ներդրողները պատրաստ են գնել «Աքքույու» ատոմակայանի նախագծի բաժնեմասը
Հոկտեմբերի 24-ին կկայանա Ֆուտզալի ԵՎՐՈ-2026-ի եզրափակիչ փուլի վիճակահանությունը
22.10.2025 | 17:14
Կաունասի «Ժալգիրիս» Արենայում հոկտեմբերի 24-ին, ժամը 13:00-ին (Երևանի ժամանակով) կկայանա Ֆուտզալի ԵՎՐՈ-2026-ի եզրափակիչ փուլի վիճակահանությունը․ այս մասին հաղորդագրություն է տարածել Հայաստանի ֆուտբոլի ֆեդերացիան։
Մասնակցող 16 երկիր կբաժանվի 4 խմբի՝ A-D։ Յուրաքանչյուր խմբի 2 լավագույն հավաքական դուրս կգա փլեյ-օֆֆ։
Հյուրընկալող 3 հավաքական՝ Լատվիան, Լիտվան և Սլովենիան, կլինեն համապատասխանաբար A, B և C խմբերում։
1-ին զամբյուղ
Պորտուգալիա (գործող չեմպիոն)
Իսպանիա
Ուկրաինա
Ֆրանսիա
2-րդ զամբյուղ
Խորվաթիա
Իտալիա
Սլովենիա (հյուրընկալող)
Չեխիա
3-րդ զամբյուղ
Լեհաստան
Հայաստան
Վրաստան
Բելառուս
4-րդ զամբյուղ
Բելգիա
Հունգարիա
Լատվիա (հյուրընկալող)
Լիտվա (հյուրընկալող)
1/4 եզրափակիչ
B խմբի հաղթող – A խմբի 2-րդ տեղ
A խմբի հաղթող – B խմբի 2-րդ տեղ
C խմբի հաղթող – D խմբի 2-րդ տեղ
D խմբի հաղթող – C խմբի 2-րդ տեղ
Եզրափակիչը կանցկացվի 2026թ․ հունվարի 21-ից փետրվարի 7-ը:
Հիշեցնենք, որ Հայաստանի ֆուտզալի ազգային հավաքականը որակավորման փուլում անպարտելի էր՝ 5 հաղթանակ, 1 ոչ-ոքի։ Ռուբեն Նազարեթյանի թիմը 6-րդ խմբում 16 միավորով գրավեց առաջին հորիզոնականը և պատմության մեջ առաջին անգամ կմասնակցի Եվրոպայի առաջնության եզրափակիչ փուլին։
Որակավորման փուլի արդյունքները․
Հայաստան – Դանիա՝ 4-3
Ղազախստան – Հայաստան՝ 4‑4
Հայաստան – Ալբանիա՝ 4‑0
Ալբանիա – Հայաստան՝ 1‑5
Դանիա – Հայաստան՝ 1-3
Հայաստան – Ղազախստան՝ 4‑2
