08.06.2026 | 14:30
Ուկրաինայի Գերագույն ռադայի նախագահը շնորհավորել է Ալեն Սիմոնյանին ընտրություններում տարած հաղթանակի առիթով
Պուտինը ռազմավարական միջուկային ուժերի վարժանքներ է անցկացրել
22.10.2025 | 18:12
ՌԴ նախագահ Վլադիմիր Պուտինը տեսակապի միջոցով ռազմավարական միջուկային ուժերի պլանային վարժանքներ է անցկացրել։ Այս մասին հայտնել է Կրեմլը, գրում է Meduza-ն։
Նշվում է, որ վարժանքների ընթացքում Կամչատկայի Պլեսեցկի տիեզերակայանից դեպի Կուրա զորավարժարան է արձակվել «Յարս» միջմայրցամաքային բալիստիկ հրթիռ, իսկ Բարենցի ծովում գտնվող «Բրյանսկ» միջուկային սուզանավից՝ «Սինևա» բալիստիկ հրթիռ։ Զորավարժություններին մասնակցել են հեռահար ավիացիայի Տու-95ՄՍ ինքնաթիռներ, որոնք արձակել են օդային թևավոր հրթիռներ։
«Վարժանքներին ստուգել են ռազմական հրամանատարական մարմինների պատրաստվածության մակարդակը և օպերատիվ շտաբի գործնական հմտությունները ենթակա զորքերի հրամանատարության և վերահսկողության կազմակերպման գործում: Վարժանքների բոլոր նպատակները կատարվել»,- ասվում է Կրեմլի մամուլի ծառայության հաղորդագրության մեջ։
Ռուսաստանի ռազմավարական միջուկային ուժերի կառավարման նմանատիպ զորավարժություններ անցկացվել են 2024 և 2023 թվականներին։
Թարգմանությունը՝ Էմմա Չոբանյանի
