19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Հայ և ադրբեջանցի փորձագետները Ստամբուլում հանդիպում են անցկացրել
Քաղաքականություն
22.10.2025 | 17:42
Հայ և ադրբեջանցիների փորձագետների հանդիպում է տեղի ունեցել Ստամբուլում։ Այս մասին X-ի իր միկրոբլոգում հայտնել է Ադրբեջանի Միջազգային հարաբերությունների վերլուծության կենտրոնի (CAIR) ղեկավար Ֆարիդ Շաֆիևը՝ նշելով, որ կենտրոնի մասնագետները հանդիպում են անցկացրել Հայաստանի Կովկասյան հետազոտությունների ինստիտուտի փորձագետների հետ։
«Այսօր Ստամբուլում Միջազգային հարաբերությունների վերլուծության կենտրոնի փորձագետները քննարկում են անցկացրել հայ փորձագետների հետ՝ Կովկասի ուսումնասիրությունների ինստիտուտի տնօրեն Ալեքսանդր Իսկանդարյանի գլխավորությամբ»,- նշել է Շաֆիևը։
Բաքվում գործող Միջազգային հարաբերությունների վերլուծության կենտրոնը պետական կառույց է։ Այն ակտիվորեն մասնակցում է միջազգային և դիվանագիտական հարցերի վերաբերյալ Բաքվի պաշտոնական դիրքորոշման ներկայացման, տարբեր հարթակներում Ադրբեջանի արտաքին քաղաքականության լուսաբանման աշխատանքներին ու Բաքվի կարևորագույն քարոզչական գործիքներից է։
Կենտրոնը ստեղծվել է Ադրբեջանի նախագահ Իլհամ Ալիևի՝ 2019 թվականի փետրվարի 6-ի հրամանագրով:
Թարգմանությունը՝ Էմմա Չոբանյանի
