31.10.2026 | 22:55
Հայտնաբերվել է զինծառայողի դի. ՊՆ
ԵՄ-ն ողջունում է Ադրբեջանի կողմից Հայաստան բեռների տարանցման սահմանափակումների վերացումը
22.10.2025 | 13:46
Շատ ոգևորված եմ Ադրբեջան-Հայաստան խաղաղության գործընթացում վերջին դրական քայլերի շարքով, այդ թվում՝ Ադրբեջանի կողմից հայտարարությամբ՝ Ադրբեջանով Հայաստան ապրանքների տարանցման սահմանափակումների վերացման մասին», հայտարարել է Հարավային Կովկասի ու Վրաստանի ճգնաժամի հարցերով ԵՄ հատուկ ներկայացուցիչ Մագդալենա Գրոնոն։
X-ի միկրոբլոգում գրառմամբ նա ընդգծել է նաև երեկ Ժնևում կայացած Հայաստանի ու Ադրբեջանի խորհրդարանների խոսնակների հանդիպումը, ինչպես նաև Հայաստանի ու Ադրբեջանի քաղաքացիական հասարակության փորձագետների նախատեսված կլոր սեղանի շուրջ քննարկումները Երևանում։
«ԵՄ-ն ջերմորեն ողջունում է այս գործնական զարգացումները և պատրաստ է աջակցել բոլոր նմանատիպ նախաձեռնություններին և վստահության ամրապնդման լրացուցիչ միջոցառումներին: Մենք հավասարապես ողջունում ենք Գյումրի-Կարս երկաթուղու վերականգնման և վերագործարկման համար Հայաստան-Թուրքիա ևս մեկ հանդիպման նախապատրաստական աշխատանքների հայտարարման մասին»,- նշել է Գրոնոն։
Հիշեցնենք՝ նախօրեին Ադրբեջանի նախագահ Իլհամ Ալիևը հայտարարել էր, որ Ադրբեջանը վերացրել է Հայաստան բեռների տարանցման բոլոր սահմանափակումները։
Հայկական կողմը ողջունել է այս քայլը։ ՀՀ էկոնոմիկայի նախարար Գևորգ Պապոյանն էլ տեղեկացրել է, որ շուտով Ակտաու-Բաքու, այնուհետև ադրբեջանական ու վրացական երկաթգծով Հայաստան կմտնի ղազախական ցորենի առաջին խմբաքանակը։
Թարգմանությունը՝ Էմմա Չոբանյանի
