11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Տեր Արամին կարգալույծ անելով աշխատանքային իրավունքի խախտում է տեղի ունեցել, պիտի ծանուցեին 2 ամիս առաջ․ Թագուհի Ղազարյան. ՏԵՍԱՆՅՈՒԹ
Քաղաքականություն
21.10.2025 | 22:00
ՀՀ ԱԺ ՔՊ խմբակցության պատգամավոր Թագուհի Ղազարյանը, որ համահեղինակ է «Շողակաթ» հեռուստաընկերությունը հանրային հեռարձակողների ցանկից հեռացնելուն ուղղված նախագծի, Factor TV-ի հետ զրույցում պնդում է, որ այն շեղվել է իր հիմնական առաքելությունից․ ««Շողակաթը» ընդդիմության թեկնածու Վազգեն Գալստանյանի և «Մեր ձևով»-ի ակցիաներն է լուսաբանել։ Կաթողիկոսը Շողակաթ ՍՊԸ հիմնադիրն է, ինքը քաղաքական է դարձել, «Շողակաթը» ևս քաղաքական ալիք է դարձել»,- ասաց Թագուհի Ղազարյանը։ Անդրադառնալով բարձրաստիճան աշխարհիկ և հոգևոր իշխանությունների միջև շարունակվող լարվածությանը, պատգամավորը չի ընդունում, որ այս հարցում կա ՔՊ-ի մեղավորությունը․ «Մեղավորը Կաթողիկոսն է, քաղաքական ելույթ է ունեցել, հասցրել քաղաքական հարվածներ, ստանում է պատասխան հարվածներ։ Լարվածությունը մեծանում է, կշարունակվի այնքան՝ քանի դեռ ինչ-որ մեկը չհաղթի։ Եկեղեցու վերնախավը սրեց՝ «դավաճան, «կապիտուլյանտ հեռացիր», և այդպիսով՝ անցան անդառնալիության կետը։ Հույս ունեմ՝ Գարեգին 2-ը կառաջադրվի 2026-ի ԱԺ ընտրություններում։ Տեր Արամին զոհել են, որ վարչապետի այցի պահին օծյալ քահանա չլինի Հովհաննավանքում, անիմաստ զոհ են տվել։ Տեր Արամին կարգալույծ անելով՝ աշխատանքային իրավունքի խախտում է տեղի ունեցել, պետք է ծանուցեին 2 ամիս առաջ»,- ասաց Թագուհի Ղազարյանը։
Հարցազրույցն ամբողջությամբ՝ տեսանյութում։
Ռոբերտ Անանյան
