08.06.2026 | 13:24
2025 թվականի բյուջեի կատարողականի նախնական քննարկումները ԱԺ-ում. ՈՒՂԻՂ
Սլովակիայի վարչապետ Ռոբերտ Ֆիցոյի վրա կրակած 72-ամյա գրողը 21 տարվա ազատազրկման է դատապարտվել
Քաղաքականություն
21.10.2025 | 18:13
Սլովակիայի դատարանը 72-ամյա գրող, «Առաջադեմ Սլովակիա» ընդդիմադիր լիբերալ կուսակցության կողմնակից Յուրայ Ցինտուլուին, որը կրակել էր վարչապետ Ռոբերտ Ֆիցոյի վրա, դատապարտել է 21 տարվա ազատազրկման՝ «ահաբեկչության» մեղադրանքով, փոխանցում է Current time-ը։
Ֆիցոյի դեմ մահափորձը տեղի էր ունեցել 2024 թվականի մայիսի 15-ին Հանդլովա քաղաքում, որտեղ անցկացվել էր կառավարության նիստը: Դրանից հետո վարչապետը մոտեցել էր Մշակույթի տան մոտ հավաքված ամբոխին, երբ ամբոխից մի քանի կրակոց էր արձակվել: Այնուհետև Ֆիցոյին ուղղաթիռով տեղափոխել էին Բանսկա Բիստրիցայի հիվանդանոց: Հաղորդվում էր, որ նա բազմաթիվ վերքեր էր ստացել կրծքավանդակի և որովայնի շրջանում:
Ցինտուլուն ձերբակալվել էր հարձակումից անմիջապես հետո։ Նրան սպառնում էր ցմահ ազատազրկում, սակայն, ըստ տեղական լրատվամիջոցների, դատարանը որոշել է, որ ցմահ ազատազրկումը կլինի անհիմն խիստ պատիժ՝ հաշվի առնելով կրակողի տարիքը, ուստի, որպես բացառություն, մեղմացրել է պատիժը։
Գրողը բազմիցս հայտարարել է, որ մտադիր չի եղել սպանել Ֆիցոյին, այլ միայն վիրավորել նրան, որպեսզի վարչապետը չկարողանա կատարել իր պարտականությունները։ Նա նաև հայտարարել է, որ համաձայն չէ կառավարության քաղաքականության հետ։
Թարգմանությունը՝ Էմմա Չոբանյանի
