03.10.2026 | 13:55
ՄԻՊ-ն այցելել է Շաքիում ադրբեջանցու կողմից հրազենային վիրավորում ստացած Անի Ավետիսյանին
ՌԴ Ռոստովի մարզը ենթարկվել է ԱԹՍ-ների հարձակման․ վնասվել է բազմաբնակարան շենք․ ՏԵՍԱՆՅՈՒԹ
Քաղաքականություն
21.10.2025 | 11:08
Ուկրաինական անօդաչու թռչող սարքերը հոկտեմբերի լույս 21-ի գիշերը հարձակվել են Ռոստովի մարզի վրա։ Այս մասին հայտնել են Ռոստովի նահանգապետ Յուրի Սլյուսարը և Ռուսաստանի պաշտպանության նախարարությունը, գրում է Meduza-ն։
Նախարարության տվյալներով՝ տարածաշրջանի վրա որսացել և ոչնչացվել է 34 անօդաչու թռչող սարք։
Սլյուսարը հայտնել է, որ Բատայսկի Արևմտյան մայրուղու վրա գտնվող բազմաբնակարան շենքի պատը մասամբ փլուզվել է։ Վիրավորներ չկան, 20 բնակիչ տարհանվել է։ Ավելի ուշ նա հայտնել է, որ շենքի հենասյուներն անվնաս են, ուստի մասնագետները թույլ են տվել մարդկանց վերադառնալ իրենց բնակարաններ։ Օկտյաբրսկայա փողոցի բազմաբնակարան շենքերի բակերում նաև անօդաչու թռչող սարքերի բեկորներ են ընկել։ Շենքերի պատուհանները վնասվել են, բնակիչներից ոչ ոք տուժել։
Դոնի Ռոստովում անչափահասը բեկորային վնասվածք է ստացել Պրոլետարսկի շրջանի երկու մասնավոր տների վրա ԱԹՍ-ների ընկնելու հետևանքով:
Անօդաչու թռչող սարքերը հարձակվել են նաև Վորոնեժի մարզի վրա: Նահանգապետ Ալեքսանդր Գուսևի տեղեկացմամբ՝ տարածաշրջանի վրա խոցվել է ինը անօդաչու: Տուածներ չկան, սակայն մեկ շրջանում վնասվել է «արդյունաբերական կառույցի տարր»: Նա այլ մանրամասներ չի հայտնել:
Թարգմանությունը՝ Էմմա Չոբանյանի
