28.04.2026 | 21:14
ՔՊ-ն ԱԺ պետաիրավական հարցերի մշտական հանձնաժողովի նախագահի թեկնածու է առաջադրել
ՀՀ-ի և Ադրբեջանի միջև խաղաղ կարգավորման գործընթացում առաջընթացը փոխում է տարածաշրջանի տնտեսաքաղաքական պատկերը․ եվրահանձնակատար
Քաղաքականություն
20.10.2025 | 15:40
Ադրբեջանի և Հայաստանի միջև խաղաղ կարգավորման գործընթացում առաջընթացը փոխում է տարածաշրջանի քաղաքական և տնտեսական պատկերը։ Այս մասին ադրբեջանական իշխանամերձ Report գործակալության հետ զրույցում ասել է ԵՄ ընդլայնման հարցերով հանձնակատար Մարթա Կոսը։
Եվրահանձնակատարի խոսքով՝ տասնամյակների ընթացքում առաջին անգամ տարածաշրջանի առջև բացվում է իրական հնարավորություն ապաշրջափակել Եվրոպան և Ասիան կապող առևտրային և տրանսպորտային ուղիները։
«Եվրոպայից մինչև Չինաստանի սահմաններ՝ երկրները գիտակցում են այս պահի կարևորությունը։ Այսօր նրանք բոլորը հավաքվել են այստեղ՝ Լյուքսեմբուրգում։ Սա տեղի է ունենում առաջին անգամ»,- ընդգծել է Կոսը։
Այսօր Լյուքսեմբուրգում անցկացվում է տարածաշրջանային անվտանգության և միջտարածաշրջանային կապի հարցերով նախարարական հանդիպում։
Եվրահանձնակատարը նշել է, որ ԵՄ անդամ պետությունները մտադիր են ստեղծել նոր փոխկապակցվածության ենթակառուցվածք՝ տալու ավելի մեծ գործողությունների ազատություն և ավելի շատ հնարավորություններ առևտրի, էներգիայի աղբյուրների ընտրության և թվային տվյալների փոխանցման մեթոդների համար։ Սա կնշանակի ավելի մեծ անկախություն այս ճանապարհին գտնվող բոլորի համար։
«Մեր աշխատանքը ներդրում է խաղաղության մեջ։ Կոնկրետ համագործակցությունը, փոխկապակցված շուկաները և փոխկապակցված հասարակությունները կարող են ամրապնդել Հարավային Կովկասում երկարաժամկետ կայունությունն ու բարգավաճումը։ Լյուքսեմբուրգում կայանալիք հանդիպումը միայն առաջին քայլն է։ Նոյեմբերին դրան կհաջորդի ներդրումային ֆորում՝ Միացյալ Նահանգների մասնակցությամբ»,- նշել է Կոսը։
Թարգմանությունը՝ Էմմա Չոբանյանի
