03.10.2026 | 15:39
Բացահայտվել է Flydubai-ի չվերթում երկրորդ օդաչուին դանակահարած օդաչուի ինքնությունը
Հոնկոնգում բեռնատար օդանավը դուրս է եկել թռիչքուղուց և ընկել ծովը․ զոհեր կան․ ՏԵՍԱՆՅՈՒԹ
Քաղաքականություն
20.10.2025 | 11:42
Հոկտեմբերի 20-ի առավոտյան Հոնկոնգի օդանավակայանում վայրէջքի ժամանակ Boeing 747 բեռնատար ինքնաթիռը դուրս է եկել թռիչքուղուց, բախվել մեքենայի և ծովն ընկել։ Այս մասին գրում է Reuters, փոխանցում է Meduza-ն։
Ավտոմեքենան նույնպես հայտնվել է ծովում։ Դրանում գտնվող ադանավակայանի երկու աշխատակիցներ զոհվել են։ Օդանավի անձնակազմի չորս անդամներն անվտանգ տարհանվել են։
Օդանավի օդաչուները եղել են թուրքական ACT Airlines ավիաընկերությունից, իսկ թռիչքը կատարվել է Emirates-ի համար։ Emirates-ը հաստատել է, որ անձնակազմի բոլոր անդամներն անվտանգ են՝ հավելելով, որ օդանավում բեռ չի եղել։
Միջադեպի պատճառը հետաքննվում է։ Reuters-ի տեղեկություններով՝ վայրէջքից առաջ օդաչուները չեն հայտնել որևէ անսարքության մասին։ Միջադեպը չի ազդել Հոնկոնգի բեռնափոխադրման օդանավակայանի գործունեության վրա, որն աշխարհի ամենամեծերից է։ Ստուգումից հետո էլ վերաբացվել է թռիչքուղին։
Թարգմանությունը՝ Էմմա Չոբանյանի
