16.04.2026 | 11:37
ԱԺ ճեպազրույցները՝ ՈՒՂԻՂ
Առանց մրցույթի 27,7 հազար դոլար է վճարվել «Կարեն Սևակ» բենդին
Տնտեսություն
18.10.2025 | 13:22
Երևանի քաղաքապետարանը 10,6 մլն դրամ է վճարել «Կարեն Սևակ Պրոդաքշն» ՍՊԸ-ին՝ «Էրեբունի-Երևան» միջոցառմանը «Կարեն Սևակ» բենդի ելույթն ապահվելու համար։ Այս գումարը համարժեք է 27,7 հազար ԱՄՆ դոլարի։
Factor.am-ը գնումների պետական համակարգից տեղեկանում է, որ 10,6 մլն դրամի ծառայությունները քաղաքապետարանը ձեռք է բերել առանց մրցույթի։ Այս բենդը ելույթներով հանդես է եկել Թաթա Սիմոնյանի մենահամերգի ժամանակ և 10,6 մլն դրամը ստացել է 1,5 կես ժամ նվագելու համար։ Թե որքան է վճարվել Թաթա Սիմոնյանին, Լյուբով Ուսպենսկայային և այլ արտիսների, կամ որքան է ընդհանուր արժեցել «Էրեբունի-Երևան» տոնակատարությունների ծախսը համայնքային բյուջեի վրա, գնումների համակարգից պարզ չի դառնում՝ պայմանագրերի ամբողջական չհրապարակված լինելու պատճառով։
Factor.am-ը դիմել է քաղաքապետարան ծախսերի վերաբերյալ ամբողջական տեղեկություններ ստանալու համար։
Նարեկ Կիրակոսյան
