Հովհաննես Շարամբեյանի անվան ժողովրդական արվեստների թանգարանը և «Գրին Ռոք» հիմնադրամը ստորագրել են համագործակցության հուշագիր

Լուրեր

21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
Բոլորը

Հովհաննես Շարամբեյանի անվան ժողովրդական արվեստների թանգարանը և «Գրին Ռոք» հիմնադրամը ստորագրել են փոխըմբռնման հուշագիր՝ հանուն Դիլիջանի կայուն մշակութային զարգացման։

Հուշագրի համաձայն՝ «Գրին Ռոք» հիմնադրամը կաջակցի թանգարանի Դիլիջանի մասնաճյուղի ցուցադրության աշխատանքներին, ինչպես նաև կներգրավվի մի շարք համատեղ կրթական, հետազոտական և ցուցահանդեսային նախագծերի իրագործման մեջ։ Կողմերը նախատեսում են համատեղ ջանքերով ստեղծել նոր հարթակներ, որտեղ ժամանակակից մոտեցումներով կներկայացվի հայկական ժողովրդական արվեստի հարուստ ժառանգությունը։

Բացի այդ, հիմնադրամը պարտավորվում է աջակցել թանգարանին նոր գործընկերների և հովանավորների ներգրավման, ինչպես նաև ֆոնդահայթայթման միջոցառումների կազմակերպման գործընթացում՝ ապահովելով նախաձեռնությունների երկարաժամկետ և կայուն զարգացում։

Համագործակցությունը կներառի նաև հետևյալ ուղղությունները՝ հետազոտական գործընկերություններ, կրթական և ուսուցողական ծրագրեր, միջոցառումներ և փառատոներ, արվեստի կացարաններ, թվային ծրագրեր, մշակութային ժառանգության պահպանում, կատալոգների և ալբոմների տպագրություն և այլն։

«Այս հուշագիրը կարևոր քայլ է դեպի նոր ձևաչափերի մշակութային համագործակցություն՝ հիմնված վստահության, համատեղ մտածողության և ընդհանուր արժեքների վրա։ Մենք հավատում ենք, որ Ժողովրդական արվեստների թանգարանի Դիլիջանի մասնաճյուղը կդառնա հայկական ավանդական արհեստների վերածննդի և նորարարության կենտրոն»,-նշում է «Գրին Ռոք» հիմնադրամի ղեկավար Կատյա Բրեդիխինան։

«Ժողովրդական արվեստների թանգարանի համար այս համագործակցությունը բացառիկ նշանակություն ունի։ Մենք բարձր ենք գնահատում հիմնադրամի պատրաստակամությունն ու վստահությունը և հավատում ենք, որ այս գործընկերությունը նոր կյանք կտա հայկական ժողովրդական արվեստի ուսումնասիրությանն ու պահպանությանը»,-նշել է Ժողովրդական արվեստների թանգարանի տնօրեն Լուսինե Թորոյանը։

Հուշագրի ստորագրմամբ կողմերը վերահաստատում են իրենց պատրաստակամությունը՝ համատեղ ձևավորելու միջավայր, որտեղ ազգային ժառանգությունը ոչ միայն պահպանվում է, այլև զարգանում՝ դառնալով ներշնչանք նոր սերունդների համար։