11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Վրաստանի նախկին վարչապետի, գլխավոր դատախազի և պետանվտանգության ծառայության ղեկավարի բնակարաններում խուզարկություններ են անցկացվել
Քաղաքականություն
17.10.2025 | 20:50
Վրաստանի Գլխավոր դատախազությունը հայտնել է, որ խուզարկություններ են անցկացվել նախկին վարչապետ Իրակլի Ղարիբաշվիլիի, պետանվտանգության ծառայության նախկին ղեկավար Գրիգոլ Լիլուաշվիլիի և նախկին գլխավոր դատախազ Օթար Պարցխալաձեի բնակարաններում։
Գլխավոր դատախազ Գիորգի Գվարակիձեն ճեպազրույցի ժամանակ հայտարարել է, որ «առգրավվել են տարբեր էլեկտրոնային սարքեր, փաստաթղթեր և մեծ գումար»։ Հոկտեմբերի 17-ին խուզարկություններ են անցկացվել միաժամանակ 22 վայրերում։
«Քրեական գործերի հատկապես բարձր հանրային հետաքրքրության և կարևորության պատճառով հանրությանը տեղեկացնում եմ հետևյալի մասին․ տարբեր քրեական գործերի վերաբերյալ ընթացիկ հետաքննության շրջանակում Վրաստանի Գլխավոր դատախազության քննչական դեպարտամենտը, կոռուպցիայի դեմ պայքարի դեպարտամենտը և Պետական անվտանգության ծառայության պետական անվտանգության դեպարտամենտը համատեղ լայնածավալ միջոցառում են անցկացրել երկրի 22 վայրերում։ Այս գործերով ակտիվորեն ընթանում են քննչական, դատավարական և օպերատիվ-հետախուզական միջոցառումներ։ Հանրությունը տեղեկացվում է հետաքննության ընթացքի և արդյունքների մասին»,- հայտարարել է Գվարակիձեն։
Նա չի պատասխանել լրագրողների հարցերին և չի մանրամասնել, թե ինչ հոդվածներով է սկսվել հետաքննությունը։
Ավելի վաղ լրատվամիջոցներում պարբերաբար լուրեր էին շրջանառվում Վրաստանի նախկին վարչապետ, իշխող կուսակցության նախկին առաջնորդ Իրակլի Ղարիբաշվիլիի հնարավոր ձերբակալության մասին։
Թարգմանությունը՝ Էմմա Չոբանյանի
