31.10.2026 | 22:55
Հայտնաբերվել է զինծառայողի դի. ՊՆ
bank24.am ընկերությանը լիցենզիա չի տրամադրվել․ ՀՀ կենտրոնական բանկը զեղծարարություններից խուսափելու նպատակով քաղաքացիներին հորդորում ենք զգոն լինել
17.10.2025 | 12:54
ՀՀ կենտրոնական բանկը զգուշացում է ներկայացրել bank24.am ընկերության վերաբերյալ՝ հայտնելով, որ այն ԿԲ-ի կողմից լիցենզիա չի ստացել ու ՀՀ քաղաքացիներին հորդորել զգոն լինել ընկերության ծառայություններից օգտվելիս։
«Կենտրոնական բանկի կողմից ձեռք բերված տեղեկությունների ուսումնասիրության արդյունքում պարզվել է, որ «bank24.am» անվանումով ներկայացող ընկերությունը իր կողմից բացված կայքէջերի և տարբեր սոցիալական ցանցերում (Tiktok, Facebook, Instagram) հրապարակված գովազդների միջոցով հանդես է գալիս վարկեր տրամադրելու հրապարակային առաջարկությամբ:
Տեղեկացնում ենք, որ ՀՀ կենտրոնական բանկի կողմից նշված ընկերությանը չի տրամադրվել որևէ տեսակի գործունեություն իրականացնելու լիցենզիա, հետևաբար՝ վերջինս գործում է ՀՀ կենտրոնական բանկի վերահսկողության շրջանակից դուրս:
Զեղծարարություններից և ֆինանսական կորուստներից խուսափելու նպատակով քաղաքացիներին հորդորում ենք զգոն լինել և օգտվել բացառապես ՀՀ կենտրոնական բանկի կողմից լիցենզավորված ֆինանսական ծառայություններ մատուցող կազմակերպություններից:
Կենտրոնական բանկի կողմից լիցենզավորված բանկերի և վարկային կազմակերպությունների ցանկը ներկայացված են ՀՀ կենտրոնական բանկի պաշտոնական կայքէջում (www.cba.am) հետևյալ հղումներով՝
Lիցենզավորված բանկերի ցանկ – https://old.cba.am/am/sitepages/fscfobanks.aspx,
Lիցենզավորված վարկային կազմակերպությունների ցանկ – https://old.cba.am/am/SitePages/fscfocreditorganizations.aspx»:
