19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Մահացել է Kiss խմբի հիմնադիր, կիթառահար Էյս Ֆրեյլին
Քաղաքականություն
17.10.2025 | 13:53
74 տարեկանում կյանքից հեռացել է Kiss ռոք խմբի հիմնադիր անդամ, առաջատար կիթառահար Էյս Ֆրեյլին։ CNN-ի հաղորդմամբ՝ նա մահացել է ԱՄՆ Նյու Ջերսի նահանգի Մորիսթաուն քաղաքում՝ ընտանիքի շրջապատում։
Kiss-ի սկզբնական կազմում ներառված էին Ֆրեյլին, վոկալիստ և կիթառահար Փոլ Սթենլին, բաս կիթառահար Ջին Սիմոնսը և թմբկահար Փիթեր Քրիսը։
«Մենք խորապես վշտացած ենք Էյս Ֆրելիի մահով։ Նա անփոխարինելի և կարևոր ռոք զինվոր էր խմբի և նրա պատմության ամենակարևոր հիմնարար գլուխներից մի քանիսում: Նա KISS-ի ժառանգության մի մասն է և միշտ կլինի»,- ասվում է Սիմոնսի և Սթենլիի համատեղ հայտարարության մեջ։
Ֆրեյլին Kiss խմբի անդամ էր 1973-ից 1982 թվականներին։ Այնուհետև նա լքել է խումբը՝ մենակատարի կարիերա սկսելու համար, բայց վերադարձել է 1990-ականների կեսերին, երբ խմբի սկզբնական կազմը վերամիավորվել է։
Ֆրեյլին վերջին անգամ Kiss-ի հետ ելույթ է ունեցել 2001 թվականին, ապա վերադարձել սոլո նախագծերին։
Թարգմանությունը՝ Էմմա Չոբանյանի
