08.06.2026 | 13:15
Ուկրաինական ԱԹՍ-ն Ղրիմում հարվածել է Մոսկվա-Սիմֆերոպոլ գնացքին
Ռուսաստանում 11 օդանավակայաններ ընդհատել են աշխատանքը ԱԹՍ-ների հարձակման սպառնալիքի պատճառով
Քաղաքականություն
17.10.2025 | 12:21
Անօդաչու թռչող սարքերի հարձակումների վտանգի պատճառով հոկտեմբերի լույս 17-ի գիշերը թռիչքների սահմանափակումներ են մտցվել ՌԴ Կալուգայի, Սամարայի, Կրասնոդարի, Սոչիի, Ուլյանովսկի, Նիժնեկամսկի, Նիժնի Նովգորոդի, Յարոսլավլի, Կազանի, Իժևսկի և Ուֆայի օդանավակայաններում: Ռուսաստանի բոլոր օդանավակայանները, Մոսկվայի ժամանակով 7:15-ի դրությամբ, բնականոն աշխատել են, հայտնել է Ռոսավիացիայի պաշտոնական ներկայացուցիչ Արտյոմ Կորենյակոն, փոխանցում է Meduza-ն։
Ռուսաստանի պաշտպանության նախարարությունն էլ հայտնել է ուկրաինական 61 անօդաչու թռչող սարքի խոցման մասին, այդ թվում՝ 32 անօդաչու՝ բռնակցված Ղրիմի վրա։
Գերատեսչությունը հայտարարել է, որ Կրասնոդարի երկրամասի վրա խոցվել է 13 անօդաչու թռչող սարք, Սև ծովի վրա՝ վեց, Բրյանսկի մարզի վրա՝ հինգ, Տուլայի և Մոսկվայի մարզերի վրա՝ երկուական, իսկ Կուրսկի մարզի վրա՝ մեկ։
Թարգմանությունը՝ Էմմա Չոբանյանի
