Նարեկ Օհանյանին ՔԿՀ-ում ծեծի ենթարկելու հրապարակումների հիման վրա ՄԻՊ-ը տեսակցել է կալանավորին

Լուրեր

21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
Բոլորը

ՄԻՊ աշխատակազմի ներկայացուցիչներն արագ արձագանքման այց են իրականացրել քրեակատարողական հիմնարկ և առանձնազրույց ունեցել Փարաքարի համայնքապետ Վալոդյա Գրիգորյանի սպանության գործով կալանավորված Նարեկ Օհանյանին։ Այս մասին FactorTV-ի հարցմանն ի պատասխան հայտնեցին ՄԻՊ գրասենյակից։

Հիշեցնենք, օրեր առաջ Armlur.am-ը տեղեկություն էր տարածել, որ Օհանյանի նկատմամբ «Նուբարաշեն» ՔԿՀ-ում բռնություն էր գործադրվել։ Ըստ մամուլի՝ բռնությունը գործադրվել է մենախցից ընդհանուր խուց տեղափոխվելուց հետո, ինչից հետո նրան կրկին տեղափոխել են մենախուց։

Ի՞նչ է կատարվել իրականում հիմնարկում. FactorTV-ն դիմեց Քրեակատարողական ծառայությանը, սակայն մամուլի քարտուղար Նոնա Նավիկյանը տեղեկություն չտրամադրեց՝ պարզաբանելով՝ իրավասություն չունեն նման տեղեկություն հայտնելու։ Ուստի դիմեցինք Մարդու իրավունքների պաշտպանին՝ խնդրելով նշել՝ այցելե՞լ են Օհանյանին, ՄԻՊ գրասենյակը դրական պատասխան տվեց։

«Մարդու իրավունքների պաշտպանի աշխատակազմում հոկտեմբերի 13-ին զանգվածային լրատվության միջոցների և սոցիալական մեդիայի մշտադիտարկման արդյունքում տեղեկություն է ստացվել առ այն, որ քրեակատարողական հիմնարկում ազատությունից զրկված անձը ենթարկվել է բռնության։ Հրապարակման նույն օրը պարզաբանումներ են պահանջվել իրավասու պետական մարմիններից: Բացի այդ, պաշտպան Անահիտ Մանասյանի հանձնարարությամբ ՄԻՊ աշխատակազմի ներկայացուցիչներն արագ արձագանքման այց են իրականացրել քրեակատարողական հիմնարկ, ազատությունից զրկված անձի հետ անցկացվել է առանձնազրույց, որի մանրամասները խորհրդապահական են և հրապարակման ենթակա չեն»,- նշեց ՄԻՊ խորհրդական Արթուր Ասլանյանը։

Նշենք՝ ավելի վաղ Նարեկ Օհանյանի պաշտպան Վահան Հովհաննիսյանը հերքել էր այդ տեղեկությունները։

«Նարեկ Օհանյանը հարցաքննվել և հերքել է իր նկատմամբ բռնություն գործադրելու վերաբերյալ մամուլում տեղ գտած լուրերը: Նա չի պահվում մենախցում: ՔԿ ծառայության աշխատակիցներն իրենց պարտականությունները կատարել և կատարում են պատշաճ կերպով»,– գրել էր նա։

Հիշեցնենք՝ սեպտեմբերի 23-ին Արմավիրի մարզի Մերձավան բնակավայրում սպանվեցին Փարաքարի համայնքապետ Վալոդյա Գրիգորյանը և նրա ընկերը՝ քրեական ոստիկան Կարեն Աբրահամյանը: Գործով կալանավորվեցին Մերձավանի բնակիչներ Նարեկ Օհանյանն ու Գևորգ Հարությունյանը: Նարեկ Օհանյանը փետրվարի 5-ին Մերձավանում սպանված Գրիգոր Օհանյանի եղբայրն է։

Նարեկ Օհանյանին մեղադրանք է առաջադրվել սպանությանն օժանդակելու, իսկ Գևորգ Հարությունյանին՝ սպանության, սպանության փորձի և զենքի ապօրինի շրջանառության հոդվածներով:

Ռոզա Վարդանյան