19.12.2025 | 12:53
Ինչում է ադրբեջանցի դատախազը մեղադրում Ռուբեն Վարդանյանին. մանրամասներ դատական նիստից
Ադրբեջանի և Ֆրանսիայի միջև թյուրըմբռնումների պատճառ դարձած հարցերն անցյալում են․ Ալիև
Քաղաքականություն
16.10.2025 | 22:20
Ադրբեջանի նախագահ Իլհամ Ալիևն ընդունել է Բաքվում Ֆրանսիայի նորանշանակ արտակարգ և լիազոր դեսպան Սոֆի Լագուտի հավատարմագրերը։ Հիշեցնելով Ֆրանսիայի նախագահ Էմանուել Մակրոնի հետ Կոպենհագենում կայացած հանդիպումը՝ Իլհամ Ալիևը նշել է, որ դրա արդյունքում երկու երկրների միջև թյուրըմբռնումների պատճառ դարձած հարցերը անցյալում են մնացել։
Ընդգծելով, որ երկկողմ օրակարգում նոր շրջան է սկսվել, Ադրբեջանի ղեկավարն անդրադարձել է, առաջին հերթին, միջանձնային և գործարար կապերի, ինչպես նաև մշակութային և հումանիտար ոլորտներում համագործակցության վերականգնման և զարգացման կարևորությանը։
Իր հերթին, դեսպանը նշել է, որ Ադրբեջանի և Ֆրանսիայի միջև հարաբերություններում նոր գլուխ է բացվել, և խոստացել է ամեն ջանք գործադրել երկկողմ կապերի զարգացման համար։
Հանդիպմանն անդրադարձ է եղել Ադրբեջանի և Ֆրանսիայի միջև տարբեր ոլորտներում, այդ թվում՝ բարձր տեխնոլոգիաների և ավիատիեզերական արդյունաբերության, հարաբերությունների հաջող զարգացմանը։ Ընդգծվել է միջկառավարական հանձնաժողովի գործունեության վերսկսման կարևորությունը, նշվել են քույր քաղաքների միջև կապերը, քննարկվել են գործարար պատվիրակությունների փոխադարձ այցելությունների կազմակերպման և տարբեր նախագծերում ֆրանսիական ընկերությունների մասնակցության հետ կապված հարցեր։
Նշվել է Ադրբեջանի և Ֆրանսիայի միջև էներգետիկայի ոլորտում հաջող գործընկերությունը, և այս համատեքստում ընդգծվել է Ադրբեջանի և Total-ի համագործակցության կարևորությունը։
Հիշեցնենք, որ հոկտեմբերի 2-ին Կոպենհագենում Եվրոպական քաղաքական համայնքի 7-րդ գագաթնաժողովի շրջանակում Ֆրանսիայի նախագահ Էմանուել Մակրոնն ու Ադրբեջանի նախագահ Իլհամ Ալիևը հանդիպում էին ունեցել։
Թարգմանությունը՝ Էմմա Չոբանյանի
