28.06.2026 | 11:58
Հետվճարի տեսքով վերադարձվել է 30 միլիարդ դրամ․ կառավարությունը՝ կենսաթոշակների մասին
Ֆրանսիայի վարչապետ Լըկորնյուն հաղթահարել է խորհրդարանում անվստահության երկու քվեարկությունները
Քաղաքականություն
16.10.2025 | 15:22
Ֆրանսիայի վարչապետ Սեբաստիան Լըկորնյուն հինգշաբթի խորհրդարանում անվստահության երկու քվեարկություններից առաջինը հաղթահարել է՝ խոստանալով կասեցնել նախագահ Էմանուել Մակրոնի վիճարկվող կենսաթոշակային բարեփոխումը, գրում է DW-ն։
Առաջարկը, որը ներկայացրել էր ձախակողմյան «Անհնազանդ Ֆրանսիա» (LFI) կուսակցությունը, ստացել է 271 ձայն, ինչը պակաս է Լըկորնյուի կառավարությունը տապալելու համար անհրաժեշտ 289 ձայնից։
Երկրորդ առաջարկը ներկայացրել է ծայրահեղ աջ «Ազգային միավորումը»։
Լըկորնյուի առաջարկը՝ սառեցնել կենսաթոշակային բարեփոխումները մինչև 2027 թվականի նախագահական ընտրությունները, ազդել է սոցիալիստների վրա՝ ապահովելով Մակրոնի կենտրոնամետ դաշինքի նեղ հենարանը խորապես բաժանված Ազգային ժողովում։ Չնայած այս արդյունքը կանխել է կառավարության անհապաղ փլուզումը, այն ընդգծում է Մակրոնի վարչակազմի փխրունությունը նրա վերջին ժամկետի կեսին, քանի որ ընդդիմադիր կուսակցությունները՝ թե՛ ձախերից, թե՛ աջերից, շարունակում են փորձարկել նրա խորհրդարանական գոյատևումը։
France 24-ը, միաժամանակ, հայտնում է, որ ինչպես սպասվում էր՝ վարչապետ Սեբաստիան Լըկորնյուի կառավարությունը հաղթահարել է անվստահության հարցով երկրորդ քվեարկությունը: Բանաձևը ստացել է 144 կողմ ձայն, ինչը զգալիորեն պակաս է անհրաժեշտ 289-ից:
Հավելենք, որ վերանշանակվելուց հետո Սեբաստիան Լըկորնյուն ներկայացրել էր իր նոր կառավարության կազմը։
Թարգմանությունը՝ Էմմա Չոբանյանի
