07.03.2026 | 11:15
Նավթի գներն աճել են
Հայտնի է՝ ինչ են տարել իրավապահները Արագածոտնի թեմի առաջնորդարանից
Քաղաքականություն
15.10.2025 | 18:51
Քիչ առաջ ավարտվեց իրավապահների խուզարկությունը ՀԱԵ Արագածոտնի թեմի առաջնորդարանում։ ԱԱԾ և ՔԿ ներկայացուցիչները իրենց հետ տարան համակարգիչներ, փաստաթղթեր և տոպրակներով այլ իրեր։
Տեղում աշխատող իրավապահները հրաժարվել են մեկնաբանել գործողությունները։
Ավելի վաղ Factor.am-ը հայտնել էր, որ ԱԱԾ ու ՔԿ ծառայողները փրկարարների են կանչել Արագածոտնի թեմի առաջնորդարան՝ չհրկիզվող պահարանը հատուկ միջոցներով բացելու համար։ Ավելի ուշ հայտնի դարձավ, որ թեմի առաջնորդ Տեր Մկրտիչ եպիսկոպոս Պռոշյանին էլ մեղադրանք է առաջադրվել։
«Տեր Մկրտիչը մեղադրվում է օրինական հավաքներին մասնակցությանը խոչընդոտելու կամ հարկադրելու, մյուսը՝ ընտրական քվեարկության արդյունքների վրա ազդելու համար։ Խոսքը 2021 թվականի ընտրությունների մասին է»,- ասել է փաստաբան Արա Զոհրաբյանը։ Մայր Աթոռը հայտարարություն է տարածել հոգևորականներին բերման ենթարկելու վերաբերյալ՝ նշելով, որ այս պահին հայտնի տեղեկություններով՝ բերման են ենթարկվել 12 քահանաներ, թեմի գանձապահն ու հաշվապահը։
Նարեկ Կիրակոսյան
Լուսանկարը՝ News.am-ի
