11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Մեծ Բրիտանիան պատժամիջոցներ է սահմանել «Լուկոյլ»-ի և «Ռոսնեֆտ»-ի նկատմամբ
Քաղաքականություն
15.10.2025 | 20:44
Մեծ Բրիտանիայի ֆինանսների նախարարությունը հայտարարել է Ռուսաստանի դեմ պատժամիջոցների ընդլայնման մասին՝ ավելացնելով 35 ընկերություն և հինգ ֆիզիկական անձ։ Սահմանափակումները վերաբերում են «Ռոսնեֆտ»-ին և «Լուկօյլ»-ին, ինչպես նաև դրանց հետ կապված կազմակերպություններին Չինաստանում, Հնդկաստանում և ԱՄԷ-ում։ Բոլոր կազմակերպություններին սպառնում է ակտիվների սառեցում և վստահության ծառայություններ մատուցելու արգելք։
Նոր պատժամիջոցներն ուղղված են Ռուսաստանի, այսպես կոչված, «ստվերային նավատորմին» պատկանող 51 նավերի, ինչպես նաև տարբեր ոլորտների, այդ թվում՝ էներգետիկայի և պաշտպանության ոլորտների անհատների և կազմակերպությունների դեմ, գրում է BBC-ի ռուսական ծառայությունը։
Այսպես կոչված, «ստվերային նավատորմն» ավելի ու ավելի է դառնում Մեծ Բրիտանիայի, ԱՄՆ-ի և Եվրամիության կողմից պատժամիջոցների թիրախ։ Այս եզրույթը վերաբերում է հին լցանավերի ցանցին, որոնք, ըստ պաշտոնյաների, օգտագործվում են ռուսական նավթի դեմ պատժամիջոցները շրջանցելու համար։
Բացի այդ, «Ռոսնեֆտի» արտասահմանյան գործընկերները նույնպես պատժամիջոցների տակ են հայտնվել՝ Հնդկաստանի Nayara Energy Limited-ը, ԱՄԷ-ում գրանցված Novus Energy DMCC-ն, Wissol Commodities FZCO-ն և Alghaf Marine DMCC-ն։ Այս ընկերությունները մասնակցել են ռուսական նավթի փոխադրմանը և առևտրին, ճանաչվել են որպես Ռուսաստանի կառավարության հետ համագործակցությունից օգուտ քաղող կազմակերպություններ։
Թարգմանությունը՝ Էմմա Չոբանյանի
