19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
ՄԻՊ-ի արագ արձագանքման խումբը մեկնել է ՔԿ՝ ազատությունից զրկված քահաների իրավունքների ապահովման վիճակին տեղում ծանոթանալու համար
Հասարակություն
15.10.2025 | 14:30
ՄԻՊ-ից հայտնում են, որ Մարդու իրավունքների պաշտպանի աշխատակազմում հոկտեմբերի 15-ին զանգվածային լրատվության միջոցների և սոցիալական մեդիայի մշտադիտարկման արդյունքում տեղեկություն է ստացվել Հայ առաքելական եկեղեցու մի խումբ հոգևորականների բերման ենթարկելու վերաբերյալ:
«Նշված հարցի վերաբերյալ ՄԻՊ աշխատակազմի թեժ գծին զանգ է ստացվել նաև փաստաբանի կողմից:
Մարդու իրավունքների պաշտպանի հանձնարարությամբ աշխատակազմի արագ արձագանքման խումբը մեկնել է Քննչական կոմիտե՝ ազատությունից զրկված անձանց իրավունքների ապահովման վիճակին և ազատությունից զրկելու հիմքերին տեղում ծանոթանալու նպատակով»,- ասված է հաղորդագրությունում։
Հիշեցնենք, որ այսօր Արագածոտնի թեմի առաջնորդարանում Քննչական կոմիտեն խուզարկություն էր իրականացրել ու բերման էր ենթարկել 6 քահանայի ու քաղաքացիական անձանց։
