18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Պուտինը կհանդիպի Սիրիայի նախագահին․ Կրեմլը հայտնել է բանակցությունների օրակարգը
Քաղաքականություն
15.10.2025 | 12:31
Սիրիայի անցումային շրջանի նախագահ Ահմեդ ալ-Շարաան հոկտեմբերի 15-ին Մոսկվա կմեկնի։ Այցի ընթացքում նա կհանդիպի ՌԴ նախագահ Վլադիմիր Պուտինի հետ։ Այս մասին հայտնել է սիրիական պետական SANA լրատվական գործակալությունը։
Սա ալ-Շարաայի առաջին այցն է Ռուսաստան՝ Սիրիայի նախկին նախագահ Բաշար ալ-Ասադի ռեժիմի տապալումից և Ռուսաստան նրա փախուստից հետո։
ՌԴ նախագահ Վլադիմիր Պուտինը և Սիրիայի նախագահ Ահմեդ ալ-Շարաան կքննարկեն Ռուսաստանի և Սիրիայի միջև առևտրային, հումանիտար և քաղաքական կապերը։Այս մասին հայտնել է Կրեմլի մամուլի ծառայությունը իր պաշտոնական տելեգրամ ալիքում, փոխանցում է Lenta-ն։
«Կողմերը նախատեսում են քննարկել ռուս-սիրիական կապերի ներկայիս վիճակը և զարգացման հեռանկարները քաղաքական, առևտրային, տնտեսական և հումանիտար ոլորտներում»,- նշվում է հաղորդագրության մեջ։
Կրեմլի տեղեկացմամբ՝ Ռուսաստանի և Սիրիայի ղեկավարները մտադիր են քննարկել նաև Մերձավոր Արևելքում տեղի ունեցած վերջին զարգացումները։
Reuters-ը, հղում անելով սիրիական աղբյուրին, հաղորդում է, որ ալ-Շարաան մտադիր է բանակցություններ վարել Տարտուսում գտնվող ռուսական ռազմածովային բազայի և Խմեյմիմի ավիաբազայի ապագայի վերաբերյալ։ Աղբյուրը նաև հավելել է, որ այցի ընթացքում Սիրիայի ղեկավարը պաշտոնապես կդիմի Ասադի արտահանձնման հարցով՝ սիրիացիների դեմ հնարավոր հանցագործությունների գործով։
Թարգմանությունը՝ Էմմա Չոբանյանի
