31.10.2026 | 22:55
Հայտնաբերվել է զինծառայողի դի. ՊՆ
Դնեպրոպետրովսկում ռուսական հարվածների հետևանքով արդյունաբերական ենթակառուցվածքներ ու էներգետիկ օբյեկտներ են վնասվել
Քաղաքականություն
15.10.2025 | 13:27
Ռուսական ուժերը հոկտեմբերի լույս 15-ի գիշերը Ուկրաինային հարվածել են 115 անօդաչու թռչող սարքերով։ Այս մասին հայտնել է Ուկրաինայի ռազմաօդային ուժերի հրամանատարությունը, գրում է Current time-ը։
Նշվում է, որ դրանցից 86-ը խոցվել են։
Ուկրաինայի արտակարգ իրավիճակների պետական ծառայության տվյալներով՝ հարձակումը հրդեհներ է առաջացրել Դնեպրոպետրովսկի մարզի Պավլոգրադ, Կամենսկոյե և Սլավգորոդ համայնքներում։ Վնասվել են էներգետիկ օբյեկտներ, տրանսպորտային և արդյունաբերական ենթակառուցվածքներ, մեկ մարդ վիրավորվել է։
Չեռնիգովի շրջանում անօդաչու թռչող սարքի անկման հետևանքով հրդեհ է բռնկվել քաղաքացիական ենթակառուցվածքային օբյեկտում: Հաղորդվում է, որ Նովգորոդ-Սևերսկի շրջանում անօդաչու թռչող սարքը հարվածել է բնակելի շենքի, ոչ ոք չի տուժել:
Թարգմանությունը՝ Էմմա Չոբանյանի
