24.02.2026 | 16:52
Ադրբեջանի և Հայաստանի միջև հարաբերությունների կարգավորման գործընթացը դրական է ընթանում. թուրք պատգամավորը՝ Բաքվում
Գետամեջ գյուղում անասնագոմ է այրվել․ անկել են 12-ից ավելի մայրացու խոզ, մոտ 170-ից ավելի խոճկոր
15.10.2025 | 11:17
Հոկտեմբերի 15-ին, ժամը 07։11-ին Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Գետամեջ գյուղի 1-ին փողոցի տներից մեկին կից այրվում է անասնագոմ։
Ինչպես տեղեկացնում են ՆԳՆ ՓԾ-ից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Հրդեհը մեկուսացվել է ժամը 08:23-ին, մարվել՝ 09:08-ին: Այրվել են անասնագոմի տանիքի (մոտ 150 քմ) փայտե կառուցատարրերը՝ մոտ 40 քմ, և անկել են կենդանիներ:
Shamshyan.com-ի տեղեկություններով, անասնագոմում, որտեղ եղել են մոտ 200-ից ավելի մայրացու խոզեր և խոճկորներ, կրակ է բռնկվել, կրակը մարելուց հետո պարզվել է, որ անկել են 12-ից ավելի մայրացու խոզ, մոտ 170-ից ավելի խոճկոր։
