28.10.2026 | 21:44
Պուտինը հայտարարել է, որ թուրք ներդրողները պատրաստ են գնել «Աքքույու» ատոմակայանի նախագծի բաժնեմասը
Հայաստանի շախմատի կանանց հավաքականը լավագույն հնգյակում է Եվրոպայի առաջնությունում
14.10.2025 | 23:15
Հայաստանի շախմատի կանանց հավաքականը լավագույն հնգյակում է 2025 թվականի Եվրոպայի թիմային առաջնությունում: Այս մասին տեղեկացնում են Շախմատի ֆեդերացիայից։
Առաջնությունը անցկացվել է հոկտեմբերի 5-14-ը Վրաստանի Բաթում քաղաքում:
Մեր կանանց հավաքականը կիսել է 4-5-րդ հորիզոնականները՝ լրացուցիչ ցուցանիշներով զբաղեցնելով 5-րդ հորիզոնականը: Ընդհանուր մասնակցել են 36 թիմեր:
Կանանց հավաքականի կազմում հանդես են եկել Լիլիթ Մկրտչյանը, Մարիամ Մկրտչյանը, Էլինա Դանիելյանը, Մարիա Գևորգյանը և Սուսաննա Գաբոյանը:
Մեր տղամարդկանց հավաքականը զբաղեցրել է 19-րդ հորիզոնականը: Ընդհանուր մասնակցել են 40 թիմեր:
Հայաստանի տղամարդկանց հավաքականի կազմում հանդես են եկել Շանթ Սարգսյանը, Ռոբերտ Հովհաննիսյանը, Հայկ Մարտիրոսյանը, Գաբրիել Սարգսյանը և Արամ Հակոբյանը:
Կանանց առաջնությունում հաղթող է դարձել Լեհաստանի հավաքականը, իսկ տղամարդկանց առաջնությունում՝ Ուկրաինայի հավաքականը։
