Ինչ է հայտարարագրել նախկին փոխնախարարը, որին պատրաստվում են Շենգավիթի թաղապետ նշանակել

Factor TV-ի տեղեկություններով՝ առաջիկայում Շենգավիթի թաղապետ կնշանակվի շրջակա միջավայրի նախարարի տեղակալի նախկին պաշտոնակատար Տիգրան Գաբրիելյանը։ Նա այդ պաշտոնում նշանակվել էր 2022 թվականի հունիսի 24-ին, ազատվել՝ օգոստոսի 18-ին։

Ուսումնասիրել ենք նախկին փոխնախարարի՝ պաշտոնը դադարեցնելու դրությամբ ներկայացված հայտարարագիրը։

Նշվում է, որ Գաբրիելյանը բնակվում է կնոջ և անչափահաս զավակի հետ։ Կինը՝ Գոհար Գինոսյանը, աշխատում է «Հանրապետական անասնաբուժասանիտարական և բուսասանիտարական լաբորատոր ծառայությունների կենտրոն» ՊՈԱԿ-ում որպես գլխավոր մասնագետ։

Տիգրան Գաբրիելյանը «Քաղաքացիական պայմանագիր» կուսակցության անդամ է։ Հայտարարագրել է մեկ մեկ բնակարան Էրեբունիում, որը համատեղ սեփականություն է, կանխիկ՝ 12 հազար դոլարի չափով։ Հայտարարատուն նաև 2006-ին թողարկված Lexus-ի մասին է նշել իր հայտարարագրում։ Մեքենան պատկանում է կնոջը, գնվել է 2018-ի հուլիսին, Գաբրիելյանն այն օգտագործում է։

Տիգրան Գաբրիելյանը 8 բանկային հաշիվների մնացորդներ է հայտարարագրել․

– 2,871,998 դրամ,

-4098 դոլար,

-2,616,392 դրամ,

-4,490,370 դրամ,

-137 դոլար,

-1․55 եվրո,

-4957 դրամ,

-1 դրամ։

Գաբրիելյանը մեկ աղբյուրից՝ ՇՄՆ-ից ստացված եկամուտ է հայտարարագրել, որը կազմել է 7 միլիոն 512 հազար դրամ։ Գաբրիելյանը 2 փոխառություն ունի վերցրած, շուրջ 33 միլիոն դրամ է կազմում բնակարանի հիփոթեքը, ևս մեկը՝ 26,5 միլիոն դրամի չափով։

Նախկին փոխնախարարը նաև Անասնաբույժների ազգային ասոցիացիայի և Տոհմային կենդանիների անասնաբույծների ասոցիացիայի անդամ է։