Վրաստանի իշխանությունները կրկին խստացնում են հանրահավաքների անցկացման կանոնները

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Վրաստանի իշխող «Վրացական երազանք» կուսակցությունը զանգվածային բողոքի ակցիաները սահմանափակող հերթական փոփոխություններն է պատրաստել։ Նոր օրինագծի համաձայն՝ հանրահավաքների անցկացման սահմանված կանոնների խախտումը կդառնա քրեորեն պատժելի և կարող է հանգեցնել մինչև երկու տարի ժամկետով ազատազրկման։

Խորհրդարանական մեծամասնության առաջնորդ Իրակլի Կիրցխալիան հայտարարել է, որ փաստաթուղթը սահմանում է՝ դեմքը ծածկած հանրահավաքին մասնակցելը, արցունքաբեր գազ կամ թունավոր նյութեր օգտագործելը, ճանապարհը փակելը կամ ժամանակավոր կառույցներ տեղադրելը կպատժվի մինչև 15 օր վարչական կալանքով, կազմակերպիչների համար՝ մինչև 20 օր; զենքի, հրավառ նյութերի  կամ «նմանատիպ առարկաների» պահպանումը բողոքի ակցիայի ժամանակ՝ մինչև 60 օր ազատազրկում; ՆԳՆ-ի՝ բողոքի ակցիան դադարեցնելու հրամանը չկատարելը նույնպես մինչև 60 օր ազատազրկում։

Այս տեսակի կրկնակի հանցագործությունները կհանգեցնեն քրեական պատասխանատվության՝ մինչև մեկ տարի ժամկետով, իսկ կրկնակի հանցագործության դեպքում՝ մինչև երկու տարի ժամկետով ազատազրկման։

Ավելին, առաջարկվում է Քրեական օրենսգրքում ավելացնել նոր հոդված. «Կրկնակի կամ համակարգված վիրավորանք կամ  ոստիկանին անհնազանդություն» հոդվածը կարող է պատժվել մինչև մեկ տարի ազատազրկմամբ, իսկ կրկնակի հանցագործության համար՝ մինչև երկու տարի ժամկետով։ Կիրցխալիան պարզաբանել է, որ նման դեպքերում «այլընտրանքային պատիժներ չեն կիրառվի»։

Վրաստանում եվրոպամետ բողոքի ցույցերը շարունակվում են արդեն 320 օր՝ պահանջելով նոր խորհրդարանական ընտրություններ և ձերբակալված ցուցարարների ազատ արձակում: Ցույցերը սկսվել են անցյալ տարվա նոյեմբերի 28-ին՝ վարչապետ Իրակլի Կոբախիձեի կողմից մինչև 2028 թվականը եվրաինտեգրացիան կասեցնելու մասին հայտարարությունից հետո:

«Վրացական երազանք»-ն ավելի վաղ մի քանի անգամ խստացրել է բողոքի ցույցերը կարգավորող օրենսդրությունը. սահմանափակումներ են մտցվել լազերների և հրավառության միջոցների օգտագործման համար, արգելվել է դեմքը ծածկող միջոցներ կրելը, ինչպես նաև երկարացվել են ճանապարհները փակելու համար տուգանքներն ու վարչական կալանքի ժամկետները։

Հոկտեմբերի 6-ին  Վրաստանի վարչապետը հայտարարել էր, որ ամեն օր խորհրդարանի շենքի մոտ Ռուսթավելի պողոտան փակող ցուցարարները «պատասխան կստանան» իշխանություններից։

Սա իշխանությունների արձագանքն է ընդդիմության հանրահավաքին, որի որոշ մասնակիցներ հոկտեմբերի 4-ին փորձել են մտնել նախագահական պալատ։

Թարգմանությունը՝ Էմմա Չոբանյանի