01.11.2026 | 18:39
Թայվանի հյուսիսարևելյան ափերի մոտ 5,6 մագնիտուդով երկրաշարժ է տեղի ունեցել
Ամո՛թ. լարված իրավիճակ՝ Կարմիր սարի հանքի շահագործման լսումների ժամանակ․ ՏԵՍԱՆՅՈՒԹ
Տեսանյութեր
13.10.2025 | 16:04
Արարատի մարզի Վեդի համայնքի Գինեվետ գյուղում այսօր հրավիրված հանրային լսումն անցավ լարված մթնոլորտում։ Տեղական ինքնակառավարման մարմինները և «Օրդ Գրուպ» ՍՊԸ-ն հանրային լսում էին հրավիրել՝ Կարմիր սարի կրաքարային մերգելների օգտակար հանածոյի արդյունահանման աշխատանքների վերաբերյալ։ Այսօր 1-ին լսուման օրն էր: Համայնքի կողմից դրական եզրակացություն ստանալուց հետո ընկերությունը պետք է փորձագիտական հետազոտություն իրականացնի և երկրորդ լսումը հրավիրի։
Հանրային լսմանը մասնակցեցին ոչ միայն Գինեվետ, այլև Վեդի համայնքի այլ գյուղերի բնակիչներ և ակտիվիստներ, որոնց մի մասը պնդում էր, որ հանքի շահագործումը կվտանգի գյուղատնտեսությունն ու մարդկանց առողջությանը։
Քննարկման ընթացքում հաճախ էր լարվում իրավիճակը, մասնակիցները չէին լսում մեկը մյուսին և վիճաբանություն էր սկսվում ընդվզող բնակիչների, բնապահպանների, իրավապաշտպանների ու համայնքային ղեկավարների և հանքի շահագործմանը կողմ արտահայտված տեղացիների միջև։
Մանրամասները՝ տեսանյութում։
