11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Հոկտեմբերի 10-13-ը բացահայտվել է 223 հանցագործություն. ՆԳՆ
Հասարակություն
13.10.2025 | 14:52
ՆԳՆ ոստիկանությունը ներկայացրել է օպերատիվ իրավիճակը հանրապետությունում հոկտեմբերի 10-13-ը ընկած ժամանակահատվածում:
Բացահայտվել է 223 հանցագործություն, որոնցից 12-ը՝ նախկինում կատարված:
Մասնավորապես՝
- 35 դեպք` թմրանյութի հայտնաբերման,
- 31 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու,
- 22-ական դեպք՝ մարմնական վնասվածք պատճառելու, ֆիզիկական ներգործության,
- 16-ական դեպք՝ հոգեկան ներգործության, խարդախության,
- 10 դեպք՝ անձնական ունեցվածքի գողության,
- 7 դեպք՝ սառը զենքի հայտնաբերման,
- 5 դեպք՝ խուլիգանության,
- 4-ական դեպք՝ գույքը ոչնչացնելու կամ վնասելու, աշխատանքի պաշտպանության կանոնները խախտելու,
- 3-ական դեպք՝ շորթման, ինքնիրավչության, փաստաթուղթ կեղծելու,
- 2-ական դեպք՝ ապօրինի ձեռնարկատիրական գործունեության, կաշառակերության, թմրանյութի իրացման, թմրամիջոցների մաքսանենգության։
Բացահայտվել են նաև համակարգչային հափշտակության, բնակարանային գողության, ապօրինի որսի, անձի տիրապետությունից դուրս եկած գույքին տիրանալու, կանխիկ դրամական միջոցների և վճարային գործիքների մաքսանենգության, շրջանառությունն արգելված թմրամիջոցներ, հոգեմետ նյութեր պարունակող բույսեր ցանելու կամ աճեցնելու, սուտ մատնության և այլ դեպքեր։
Նախկինում կատարված հանցագործություններից բացահայտվել են՝
- 3 դեպք՝ անձնական ունեցվածքի գողության,
- 2 դեպք՝ գույքը ոչնչացնելու կամ վնասելու,
- 1-ական դեպք՝ ավտոմեքենայի գողության, ճանապարհատրանսպորտային պատահարի, շորթման, մարմնական վնասվածք պատճառելու, խուլիգանության, բնակարանային գողության, ավազակության։
Հայտնաբերվել է 18 հետախուզվող, կամավոր ներկայացել է 6-ը։
Գրանցվել է զենք-զինամթերք կամավոր հանձնելու 1 դեպք։
Անցած 3 օրում գրանցվել է 45 ավտովթար․ 3 մարդ զոհվել է, 67-ը՝ ստացել տարբեր աստիճանի մարմնական վնասվածքներ։
