18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
ՏԿԵ նախարարը Վայոց ձորի մարզպետարանում ներկայացրել է նորանշանակ մարզպետին
Քաղաքականություն
13.10.2025 | 12:37
Հայաստանի տարածքային կառավարման և ենթակառուցվածքների նախարար Դավիթ Խուդաթյանը Վայոց ձորի մարզպետի աշխատակազմին է ներկայացրել նորանշանակ մարզպետ Վահագն Արսենյանին։
Այս մասին հաղորդագրություն է տարածել ՀՀ տարածքային կառավարման և ենթակառուցվածքների նախարարությունը՝ նշելով, որ նախարարը շնորհավորել է նորանշանակ մարզպետին և հաջողություններ մաղթել առաջիկա աշխատանքում։
«Նախարարը վստահություն է հայտնել, որ Վահագն Արսենյանը տեղյակ է մարզին, մարզի խնդիրներին և իր փորձն ու գիտելիքները կծառայեցնի դրանց լուծմանը։
Խուդաթյանը շնորհակալություն է հայտնել Վայոց ձորի նախորդ մարզպետ Կոլյա Միքաելյանին իր պաշտոնավարման ժամանակահատվածում կատարած ծավալուն աշխատանքի համար։
Վահագն Արսենյանն իր հերթին շնորհակալություն է հայտնել վարչապետին, ՀՀ կառավարությանը վստահության համար և ընդգծել, որ աշխատելու է ի շահ Հայաստանի Հանրապետության, ի շահ Վայոց ձորի մարզի»,- ասված է հաղորդագրությունում։
