06.12.2025 | 21:05
Գնդակները, որ մաշում են, մի խնայե՛ք, առեք, եթե հնարավոր չի, ինձ ասեք, ես կառնեմ. Փաշինյան. ՏԵՍԱՆՅՈՒԹ
Վաղարշապատի ավագանու ընտրություններին մասնակցելու փաստաթղթեր է ներկայացրել 9 քաղաքական ուժ․ ԿԸՀ
Քաղաքականություն
13.10.2025 | 11:27
ԿԸՀ-ից հայտնում են, որ նոյեմբերի 16-ին նշանակված Արմավիրի մարզի Վաղարշապատ համայնքի համամասնական ընտրակարգով ավագանու ընտրություններում օգտահաշիվ ստանալու հայտ է ներկայացրել 11 քաղաքական ուժ։
Նրանցից թիվ 14 Ընտրատարածքային ընտրական հանձնաժողով առաջադրման փաստաթղթեր են ներկայացրել 9-ը։ Դրանք են՝
-«Հայրենիք» կուսակցությունը,
-«Հաղթանակ» կուսակցությունների դաշինքը՝ կազմում «Առաջ» և «Հայ Յեղափոխական Դաշնակցություն» կուսակցությունները,
-«Քաղաքացիական պայմանագիր» կուսակցությունը,
-«Ազատ դեմոկրատներ» կուսակցությունը,
-«Մայր Հայաստան» ազգային-դեմոկրատական կուսակցությունը,
-«Ժառանգություն» կուսակցությունը,
-«Ազգային առաջընթաց» կուսակցությունը,
-«Հանրապետություն» կուսակցությունը,
-«Համահայկական ճակատ» կուսակցությունը։
«Առաջադրման փաստաթղթեր ներկայացրած սուբյեկտների գրանցումն իրականացնելու է թիվ 14 ԸԸՀ-ն՝ հոկտեմբերի 12-ից 17-ն ընկած ժամանակահատվածում։
Գրանցված կուսակցություններին(դաշինքին) հերթական համարներ են տրամադրվելու հոկտեմբերի 18-ի ԿԸՀ նիստում՝ վիճակահանությամբ»,- ասված է հաղորդագրությունում։
