06.12.2025 | 22:41
Պետք է շարունակենք մեր ծառայությունը բերել մեր ժողովրդին. Գարեգին Բ-ն` Փաշինյանի քայլերի մասին. ՏԵՍԱՆՅՈՒԹ
Փարիզի Աստվածամոր տաճարում անանուն գրություն է գտնվել՝ խնդրանքով չբացել տաճարը՝ խուսափելու համար «սպանություններից»
Քաղաքականություն
12.10.2025 | 13:12
Փարիզի Աստվածամոր տաճարի աշխատակիցը տաճարի ներսում հայտնաբերել է անանուն գրություն՝ խնդրանքով չբացել այն հոկտեմբերի 11-ին և 12-ին՝ «սպանություններից խուսափելու համար»։ Ֆրանսիական ոստիկանությունը զննել է շենքը, հայտնում է Le Figaro-ն՝ վկայակոչելով ոստիկանությանը։
«Չբացեք տաճարը հոկտեմբերի 11-ին և 12-ին։ Այնտեղ կլինեն օտարերկրացի հյուրեր, ովքեր վերջին օրերին, այլ այցելուների օգնությամբ, արդեն թաքցրել են դանակներ տաճարի ներսում։ Նրանք պատրաստվում են սպանություններ անել։ Խնդրում եմ՝ մի բացեք տաճարը»,-մեջբերում է պարբերականը գրության տեքստը։
Հայտնի է, որ Փարիզի ոստիկանության պրեֆեկտուրան տաճարում անցկացրել է ստուգում գրության հայտնաբերման մասին հաղորդագրությունից հետո, սակայն եզրակացրել է, որ անվտանգության որևէ սպառնալիք չի հայտնաբերվել։ Le Figaro-ի տվյալներով՝ տաճարի վարչությունը դեռ չի որոշել՝ արդյոք դիմելու է իրավապահներին պաշտոնական բողոքով՝ հետագա քննության համար։
Պարբերականը նաև նշում է, որ ավելի վաղ՝ ապրիլին, Նոտր Դամում հայտնաբերվել էր նմանատիպ գրություն՝ ենթադրյալ հարձակման մասին, սակայն այն ժամանակ սպառնալիքները իրականություն չէին դարձել։
