06.12.2025 | 23:56
Կապարակնքել են Գյումրիի Յոթ Վերք եկեղեցու դռները` Փաշինյանի այցից առաջ
Զելենսկին հայտնել է, որ քննարկել է Թրամփի հետ Ուկրաինայի ՀՕՊ համակարգի ուժեղացումը
Քաղաքականություն
11.10.2025 | 18:27
Ուկրաինայի նախագահ Վլադիմիր Զելենսկին հայտնել է, որ ԱՄՆ նախագահ Դոնալդ Թրամփի հետ ունեցած հեռախոսազրույցի ընթացքում քննարկել է ուկրաինական հակաօդային պաշտպանության (ՀՕՊ) ուժեղացման հնարավորությունները։
«Տեղեկացրի նախագահ Թրամփին մեր էներգետիկ համակարգի վրա ռուսական հարվածների մասին։ Շնորհակալ եմ մեզ աջակցելու պատրաստակամության համար։ Քննարկեցինք մեր ՀՕՊ-ը ուժեղացնելու հնարավորությունները և այն պայմանավորվածությունները, որոնք պատրաստում ենք այս ուղղությամբ»,- գրել է Զելենսկին սոցցանցի իր էջում։
«Կան լավ տարբերակներ, հզոր գաղափարներ, թե ինչպես կարող ենք իրականում ուժեղացնել մեր պաշտպանությունը»,- հավելել է նա։
Զելենսկին նաև հայտնել է, որ շնորհավորել է Թրամփին «Մերձավոր Արևելքի համաձայնագրի առնչությամբ, որը նա իրապես ապահովել է»։
Վերջին շրջանում Ռուսաստանը զանգվածային հարվածներ է հասցնում Ուկրաինայի կենսական ենթակառուցվածքներին, այդ թվում՝ էլեկտրակայաններին։
Ուկրաինան արդեն մի քանի ամիս է՝ դիմում է Թրամփին՝ նոր ՀՕՊ համակարգեր տրամադրելու խնդրանքով, այդ թվում՝ ամերիկյան Patriot համակարգեր։
