28.06.2026 | 17:35
Նախընտրական պաստառը պոկելու համար ձերբակալվածի մահվան գործով դեռևս որևէ մեկին մեղադրանք չի առաջադրվել․ ՏԵՍԱՆՅՈւԹ
«Մեր ձևով» շարժմանը 1.5 ամսում միացել է 5000 կամավոր. Նարեկ Կարապետյան
Քաղաքականություն
11.10.2025 | 13:44
«Ձևավորումից ի վեր՝ 1.5 ամսում «Մեր ձևով» շարժմանը միացել է 5000 կամավոր»․ այս մասին այսօր շարժման առաջին հաշվետու ժողովի ընթացքում ասաց շարժման համակարգող Նարեկ Կարապետյանը:
«Մեր համախոհների այս տեմպը եթե շարունակվի, մոտակա ամիսներին մենք կլինենք տասնյակ հազարավոր, և դա արդեն մեծ մերան է՝ անշրջելի փոփոխություններ կատարելու համար։ Մեր թիմը երիտասարդ է և մեզ հարցնում են՝ ինչն է պատճառը, որ միանում են մեզ, պատճառը Սամվել Կարապետյանն է, նրա անունը։ Բոլորս ունենք այն վստահությունը, որ Սամվել Կարապետյանը հետևողական է լինելու, պահպանելու է մեր պատիվը, չի նայելու մեր ժողովրդի աշխատած կոպեկին, և մեր երկիրը գոնե տարածաշրջանում դարձնելու է օրինակելի երկիր»,- ասաց Կարապետյանը:
Նա խոսեց նաև այն մասին, որ իրենց քննադատում են միայն տնտեսության մասին խոսելու համար:
«Ասում են՝ ձեր մոտ տնտեսությունն է ստացվում, միայն դրանից եք խոսում: 30 տարի զբաղվել են քաղաքականությամբ, լա՞վ են զբաղվել: Մենք պետք է զբաղվենք տնտեսությամբ: Թալինում, Արմավիրում կառուցված մթերման կայանից է կախված մեր երկրի տնտեսությունը։ Երևանում նստած՝ իրար հետ բանավիճելով չէ»,- ասաց Կարապետյանը՝ համոզմունք հայտնելով, որ Հայաստանը պետք է դառնա հարուստ երկիր:
Խոսելով 44-օրյա պատերազմի մասին՝ Կարապետյանն ասաց որ այն «հարուստի և աղքատի պատերազմ էր»:
