29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Մարդու իրավունքները պետք է հավասարապես պաշտպանված լինեն առցանց և անցանց միջավայրում. ՀՀ ԱԳ փոխնախարարը՝ Տալլինում
Քաղաքականություն
10.10.2025 | 22:21
Հոկտեմբերի 9-ին Տալլինի թվային գագաթնաժողովի շրջանակներում ՀՀ ԱԳ նախարարի տեղակալ Ռոբերտ Աբիսողոմոնյանը մասնակցել և ելույթով հանդես է եկել «Ազատություն առցանց կոալիցիայի» նախարարական հանդիպմանը: Այս մասին տեղեկացնում են ՀՀ ԱԳՆ-ից։
«Իր խոսքում ՀՀ ԱԳ նախարարի տեղակալը ողջունել է «Ազատություն առցանց կոալիցիա»-ի շրջանակում «Իրավունքները հարգող թվային հանրային ենթակառուցվածքների սկզբունքներ» նախաձեռնությունը՝ ընգծելով դրա արդիականությունը: Այս համատեքստում շեշտել է, որ մարդու իրավունքների միջազգային սկզբունքներն ու նորմերը պետք է հավասարապես կիրառելի լինեն թե՛ առցանց, թե՛ ոչ թվային միջավայրում:
ԱԳ նախարարի տեղակալը ներկայացրել է Հայաստանի ազգային ջանքերը՝ ուղղված համապարփակ և անվտանգ թվային փոխակերպմանն ու թվային ծառայությունների հավասար հասանելիությանը:
Ռոբերտ Աբիսողոմոնյանը վերահաստատել է ՀՀ հանձնառությունը՝ խթանելու թվային միջավայրում մարդու իրավունքների պաշտպանությանը, թվային գրագիտության մակարդակի բարձրացմանը, ինչպես նաև ժամանակակից թվային տեխնոլոգիաների մշակման և ներդրման գործում կանանց և աղջիկների ներգրավվածության ապահովմանն ուղղված նախաձեռնությունների իրականացումը»,- ասված է հաղորդագրությունում:
