19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
ԲԱՆԱՎԵՃ․ Քաղբանտարկյալնե՞ր են Բագրատ և Միքայել արքեպիսկոպոսները, Սամվել Կարապետյանը․ ընդդիմությունը և իշխանությունը հակադրվում են․ ՏԵՍԱՆՅՈՒԹ
Քաղաքականություն
10.10.2025 | 21:00
Քաղբանտարկյալնե՞ր են արդյոք Բագրատ արքեպիսկոպոս Գալստանյանը, Սամվել Կարապետյանը և Միքայել արքեպիսկոպոս Աջապահյանը, ինչպես նաև՝ ահաբեկչության նախապատրաստման գործով անցնող տասնյակից ավելի կալանավորված անձինք։ Ընդդիմությունը պնդում է, որ այո՛, այս մարդիկ հետապնդվում են միայն նրա համար, որ դեմ են Նիկոլ Փաշինյանի կառավարությանը։ Ըստ նրանց՝ իշխանությունը չի հանդուրժում ազատ խոսք։
Մինչդեռ իշխանականները պնդում են՝ այս մարդիկ նախապատրաստել են ահաբեկչություն, ռազմական հեղաշրջման կոչեր են հնչեցրել, իսկ Սամվել Կարապետյանին նաև փողերի լվացման մեղադրանք է առաջադրած։
Կա ԵԽԽՎ թիվ 1900 բանաձևը, ըստ որի՝ քաղբանտարկյալ է համարվում այն անձը, որը ազատազրկված է ոչ թե հանցագործության, այլ իր քաղաքական հայացքների, գործունեության կամ իշխանություններին քննադատելու համար, կամ եթե նրա դեմ կիրառված պատժամիջոցը քաղաքական հաշվեհարդարի, ճնշման կամ վախեցման միջոց է։
Ի վերջո, կա՞ն քաղբանտարկյալներ Հայաստանում, թե՝ ոչ, ԵԽԽՎ բանաձևը ՀՀ-ի՞ մասին է։ Factor TV-ում հրավիրել ենք բանավեճ, որին մասնակցում են Գառնիկ Դանիելյանը՝ ՀՀ ԱԺ «Հայաստան» խմբակցության պատգամավոր, Ժաննա Ալեքսանյանը՝ «Լրագրողներ հանուն մարդու իրավունքների» ՀԿ նախագահ, իրավապաշտպան, Հասմիկ Հակոբյանը՝ ՀՀ ԱԺ ՔՊ խմբակցության պատգամավոր, Գևորգ Դավթյանը՝ փաստաբան։
Հաղորդումն ամբողջությամբ՝ տեսանյութում։
Ռոբերտ Անանյան
