11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Բելգիայի ոստիկանությունը ձերբակալել է քաղաքական գործիչների դեմ մահափորձի մեջ կասկածվող անձանց. ենթադրաբար, թիրախում է եղել նաև վարչապետը
Քաղաքականություն
10.10.2025 | 13:52
Բելգիայի Անտվերպեն քաղաքում ոստիկանությունը ձերբակալել է երեք երիտասարդի, որոնք կասկածվում են քաղաքական գործիչների դեմ ահաբեկչություն ծրագրելու մեջ: Այս մասին հայտարարել է դաշնային դատախազ Անն Ֆրանսենը, գրում է DW-ի ռուսական ծառայությունը։
Դատախազը նշել է, որ կասկածյալները ծրագրել են «ջիհադիստների կողմից ոգեշնչված ահաբեկչական հարձակում»: Նրանք մտադիր են եղել պայթուցիկ սարք ամրացնել անօդաչու թռչող սարքին: Ձերբակալվածները 18, 23 և 24 տարեկան են: Նրանցից մեկն ազատ է արձակվել։
Բրյուսելում կառավարության աղբյուրները AFP-ին հայտնել են, որ Բելգիայի վարչապետ Բարտ դե Վևերը, հնարավոր է, եղել է ենթադրյալ հարձակման թիրախներից մեկը։ Այս տեղեկատվության պաշտոնական հաստատում դեռևս չկա։
Belga գործակալության տվյալներով՝ խուզարկություններ են տեղի ունեցել Անտվերպենում գտնվող մասնավոր տնից ընդամենը մի քանի հարյուր մետր հեռավորության վրա։ Belga-ն նշում է, որ Դյուրնե շրջանում ոստիկանական գործողությունը հանգեցրել է մոտակա բնակիչների կարճատև տարհանման՝ անվտանգության նկատառումներից ելնելով։
Բելգիայի արտաքին գործերի նախարար Մաքսիմ Պրևոն հայտարարել է, որ ցնցված է երկրի վարչապետի դեմ հնարավոր մահափորձի նախապատրաստման մասին լուրից։
«Սա մեզ հիշեցնում է, որ ահաբեկչության սպառնալիքը մնում է իրական, և որ մենք պետք է զգոն մնանք»,- գրել է դիվանագետը X սոցիալական ցանցում։
Թարգմանությունը՝ Էմմա Չոբանյան
