06.12.2025 | 22:41
Պետք է շարունակենք մեր ծառայությունը բերել մեր ժողովրդին. Գարեգին Բ-ն` Փաշինյանի քայլերի մասին. ՏԵՍԱՆՅՈՒԹ
Ֆիլիպինների հարավում ուժեղ երկրաշարժ է տեղի ունեցել. ավերիչ ցունամիի նախազգուշացում է տրվել. ՏԵՍԱՆՅՈՒԹ
Քաղաքականություն
10.10.2025 | 12:51
Ֆիլիպինների հարավում 7,4 մագնիտուդով հզոր երկրաշարժ է տեղի ունեցել։ Ցունամիի մասին նախազգուշացումներ են տրվել ինչպես երկրում, այնպես էլ հարևան Ինդոնեզիայում և Պալաուում, գրում է AFP-ն։
ԱՄՆ երկրաբանական ծառայությունը (USGS) հայտնել է, որ երկրաշարժը տեղի է ունեցել Մանայից մոտ 20 կիլոմետր (12 մղոն հեռավորության վրա)՝ Մինդանաո շրջանում, ժամը 9:43-ին:
Ֆիլիպինների հրաբխագիտության և սեյսմոլոգիայի ինստիտուտն էլ հայտնել է, որ «երկրի արևելյան ափին սպասվում է ավերիչ ցունամի՝ կյանքին սպառնացող ալիքների բարձրությամբ»: Այս տարածքների ափամերձ շրջանների բնակիչներին «խստորեն խորհուրդ է տրվել անհապաղ տարհանվել բարձրադիր վայրեր կամ տեղափոխվել ավելի խորը ցամաք»։
ԱՄՆ-ի օվկիանոսային և մթնոլորտային ազգային վարչության տվյալներով՝ Ֆիլիպինների վտանգված տարածքներում կանխատեսվում են մինչև երեք մետր բարձրությամբ ալիքներ, իսկ Պալաուում և Ինդոնեզիայում՝ մինչև մեկ մետր բարձրությամբ։
Տուժածներին մասին դեռևս տեղեկություններ չկան։ Ոստիկանության սպա Դիան Լակորդան AFP-ին ասել է, որ Դավաո Օրիենտալ նահանգում, որի մեջ է մտնում նաև Մանայը, սպասվում են վնասներ։ Էլեկտրաէներգիայի և կապի գծերն անջատված են, իշխանությունները ներկայում չեն կարողանում գնահատել որոշ տարածքներում հնարավոր վնասը։
Ֆիլիպինների երկրաշարժի հետ գրեթե միաժամանակ ԱՄՆ երկրաբանական ծառայությունը հայտնել է 6,2 մագնիտուդով երկրաշարժի մասին Պապուա Նոր Գվինեայի Մանուս կղզուց ավելի քան 140 կիլոմետր հարավ-արևելք։
Թարգմանությունը՝ Էմմա Չոբանյանի
