18.12.2025 | 23:24
ՀՀ տարածքում ավտոճանապարհները հիմնականում անցանելի են
Նիկոլ Փաշինյանը նվեր է ստացել Բուլղարիայի փոխվարչապետից
Քաղաքականություն
09.10.2025 | 18:55
ՀՀ վարչապետ Նիկոլ Փաշինյանը Բուլղարիայի փոխվարչապետ Աթանաս Զաֆիրովից «արծաթե փոքրիկ ամֆորա» հուշանվեր է ստացել: Այս մասին Factor.am-ը տեղեկացել է Փաշինյանի՝ Կոռուպցիայի կանխարգելման հանձնաժողով ներկայացրած նվերների հաշվառման ձևաթղթից։
Փաշինյանը նվերը ստացել է Բուլղարիայի փոխվարչապետ Աթանաս Զաֆիրովի գլխավորած պատվիրակության՝ սեպտեմբերի 23-ին Երևան կատարած այցի ժամանակ։ Նվերի արժեքը գնահատվել է 119,092 դրամ։
Այս ամիս Փաշինյանը հայտարարագրել էր նաև օգոստոսին ստացած նվերները։ Չինաստանի և Իրանի նախագահներից նա ծաղկաման և քաղցրավենիքի անոթ էր նվեր ստացել։
Հիշեցնենք, որ «Հանրային ծառայության մասին» օրենքում կատարված փոփոխություններով սահմանվել են հանրային ծառայողների կողմից նվերներ ընդունելու վերաբերյալ նոր կանոններ։ Ըստ այդ կարգավորումների՝ պետությանը կամ համայնքին են հանձնվում պետական, պաշտոնական այցերի, միջոցառումների, ինչպես նաև աշխատանքային այցերի, գործուղումների շրջանակում տրվող նվերները, եթե դրանց արժեքը գերազանցում է 60,000 ՀՀ դրամը:
Անի Թամրազյան
