30.07.2026 | 09:37
ՀՀ տարածքում ավտոճանապարհներն անցանելի են
Կարծում ենք` մեր շփումները ՀՀ-ի հետ հաջողությամբ կշարունակվեն՝ երկու կողմերի անհետ կորածների ճակատագիրը պարզելու համար․ Ադրբեջանի ՊԱԾ ղեկավար
Քաղաքականություն
09.10.2025 | 12:15
Ադրբեջանի պետական անվտանգության ծառայության (ՊԱԾ) ղեկավար, Ռազմագերիների, անհետ կորածների և պատանդների հարցերով պետական հանձնաժողովի նախագահ Ալի Նագիևը հույս է հայտնել, որ շփումները Հայաստանի համապատասխան պետական հանձնաժողովի հետ հաջողությամբ կշարունակվեն։ Ադրբեջանական լրատվամիջոցների հաղորդմամբ՝ Նագիևն այս մասին խոսել է Բաքվում «Անհետ կորած անձանց խնդրի լուծման համար ջանքերի միավորում և համագործակցության ընդլայնում» միջազգային համաժողովում ունեցած ելույթում։
Նրա խոսքով՝ 2025 թվականի օգոստոսին Վաշինգտոնում ստորագրված եռակողմ հայտարարությունը, փետրվարին Ադրբեջանի և Հայաստանի համապատասխան պետական հանձնաժողովների միջև առաջին հանդիպումը և հետագա շփումները, ինչպես նաև տեղեկատվության որոշակի փոխանակումները նոր հույսեր են ներշնչում։
«Մենք կարծում ենք, որ մեր նպատակասլաց շփումները Հայաստանի համապատասխան պետական հանձնաժողովի հետ հաջողությամբ կշարունակվեն և դրական ներդրում կունենան երկու կողմերի անհետ կորած անձանց ճակատագիրը պարզելու գործում»,- հայտարարել է Ալի Նագիևը։
Թարգմանությունը՝ Էմմա Չոբանյանի
