29.07.2026 | 00:56
«Արարատ-Արմենիան» դուրս եկավ Չեմպիոնների լիգայի որակավորման երրորդ փուլ. ՏԵՍԱՆՅՈՒԹ
497 մլն դրամով գնված պարեկային մեքենաները 5 տարի անց օգտագործման ենթակա չեն
Տնտեսություն
09.10.2025 | 09:30
Պարեկային ծառայության համար ձեռք բերված SKODA OCTAVIA 1.4T SI մակնիշի 40 ավտոմեքենա ենթակա չէ շահագործման։ ՆԳ նախարարությունն այն փոխանցում է Պետական գույքի կառավարման կոմիտեին։
Գույքի օտարման նախագծից Factor.am-ը տեղեկանում է, որ 40 մեքենաներից 30-ը գտնվում են անսարք, իսկ 10-ը վթարված վիճակում։ Նշվում է, որ քառասուն SKODA-ներից մեկը եղել է վթարված, մեքենայի վրայից բացակայել են կարևոր հանգույցներ և դետալներ, կորցրել է ապրանքային տեսքն ու նշանակությունը, ուստի հնարավոր չի եղել այն գնահատել որպես տրանսպորտային միջոց և ներառել օտարվող գույքերի ցանկում։ 2021 թվականին 39 SKODA-ի ձեռք բերման համար վճարվել էր 497 մլն 315 հազար դրամ` մեկ հատի արժեքը` 12,751,666 դրամ։
Մեքենաները 2021 թվականի արտադրության են, ուշագրավ է, որ շահագործման 5-րդ տարում դրանք այլևս օգտագործման ենթակա չեն։
Նարեկ Կիրակոսյան
