06.12.2025 | 23:56
Կապարակնքել են Գյումրիի Յոթ Վերք եկեղեցու դռները` Փաշինյանի այցից առաջ
Ռուսական դատարանը ՀՀ քաղաքացի Արմեն Բալյանին 12 տարվա ազատազրկման է դատապարտել՝ ուկրաինական ԶՈՒ-ում կռվելու համար
Քաղաքականություն
09.10.2025 | 11:20
Ռուսաստանի կողմից օկուպացված ուկրաինական Խերսոնի մարզային դատարանը որոշում է կայացրել ՀՀ քաղաքացի Արմեն Բալյանի նկատմամբ հարուցված քրեական գործով։ Նա մեղավոր է ճանաչվել զինված հակամարտությանը վարձկանի կարգավիճակով մասնակցելու համար (ՌԴ Քրեական օրենսգրքի 359-րդ հոդվածի 3-րդ մաս)։ Այս մասին հայտնում է ՌԴ Գլխավոր դատախազության մամուլի ծառայությունը, փոխանցում է Վեդոմոստին։
Ըստ դատարանի՝ Բալյանն Ուկրաինա է ժամանել Մոլդովայով 2022 թվականի նոյեմբերին, որտեղ նա միացել է Ուկրաինայի զինված ուժերի 124-րդ տարածքային պաշտպանության բրիգադին։ Նշվում է, թե անհրաժեշտ նախապատրաստումն անցնելուց հետո նա «2022 թվականի նոյեմբերից մինչև 2023 թվականի դեկտեմբերը, 2,3 միլիոն ռուբլուն համարժեք դրամական պարգևի դիմաց, մասնակցել է Ռուսաստանի զինված ուժերի դեմ մարտական գործողություններին Դոնեցկի և Լուգանսկի ժողովրդական հանրապետություններում, ինչպես նաև Խերսոնի մարզում»։
Բազմիցս վիրավորվելուց հետո, ըստ ռուսական կողմի, «վարձկանը փախուստի է դիմել և լքել Ուկրաինան, սակայն 2024 թվականի հոկտեմբերին ձերբակալվել է Դոմոդեդովո օդանավակայանում»։
Դատարանը Բալյանին դատապարտել է 12 տարվա ազատազրկման խիստ ռեժիմի ուղղիչ գաղութում։ Նրան նաև պարտավորեցրել են պետությանը վճարել «հանցավոր գործունեության համար ստացված» ամբողջ գումարը։
Թարգմանությունը՝ Էմմա Չոբանյանի
