15.12.2025 | 16:45
Հայտնաբերվել է 2005 թվականից հետախուզվող տղամարդը
«Զավիկի ղարս» սննդի կետն աշխատում է, թեև այսօր հայտարարվել էր գործունեությունը կասեցնելու մասին
Հասարակություն
08.10.2025 | 19:19
Չնայած կասեցման մասին հայտարարությանը՝ Երևանի Սարյան փողոցում գտնվող «Զավիկի ղարս» սննդի կետը շարունակում է գործել։ Factor TV-ի խցիկը ֆիքսել է, որ ժամը 18։30-ի դրությամբ սննդի կետը բաց է, ներսում աշխատակիցներ կան, իսկ դրսում՝ հաճախորդներ։ Կապ հաստատեցինք ՀՀ սննդամթերքի անվտանգության տեսչական մարմնի խոսնակ Անուշ Հարությունյանի հետ՝ ճշտելու՝ արդյոք կասեցումը հանվել է։ Նա բացասական պատասխան տվեց։
«Եթե այս պահին աշխատեցնում են, դրան ընթացք կտրվի և պատասխանատուները կտուգանվեն»,- նշեց Հարությունյանը։
Հիշեցնենք՝ ՀՀ սննդամթերքի անվտանգության տեսչական մարմինը հաղորդագրություն էր տարածել հայտնելով, որ Երևանի կենտրոնի տեսուչները ստուգում են իրականացրել անհատ ձեռնարկատեր Սամվել Տեր-Պողոսյանին պատկանող (Զավիկի ղարս) հանրային սննդի օբյեկտում (ք․ Երևան, Սարյան), որի ընթացքում կատարել են ապրանքնատեսակների նմուշառում և հանձնել լաբորատոր հետազոտության. «Ըստ լաբորատոր փորձաքննության արդյունքների՝ «հացով բրդուջ շաուրմայի խոզ+հավ» արտադրատեսակի նմուշը՝ ՄԱՖԱնՄՔ (մեզոֆիլ աէրոբ և ֆակուլտատիվ անաէրոբ մանրէներ), ԱՑԽՄ (աղիքային ցուպիկի խմբի մանրէներ), E.coli, S.aureus, ախտածին ա/թ սալմոնելաներ, «մայոնեզ» արտադրատեսակի նմուշը ՄԱՖԱնՄՔ, ԱՑԽՄ, S.aureus, ախտածին ա/թ սալմոնելաներ ցուցանիշներով չեն համապատասխանել կանոնակարգերով սահմանված պահանջներին։ ՍԱՏՄ ղեկավարի որոշմամբ՝ հանրային սննդի օբյեկտի արտադրական գործունեությունը կասեցվել է, մինչև հայտնաբերված խախտումները վերացնելը»։
Ռոզա Վարդանյան
