07.09.2026 | 22:10
Հայտնի է՝ ով կքննի Գարեգին Բ-ի գործը․ Վճռաբեկը հրապարակել է որոշումը. ՏԵՍԱՆՅՈՒԹ
Մերձկասպյան երկրների նավատորմերը համապարփակ ռազմավարական համագործակցության փաստաթուղթ են ստորագրել
Քաղաքականություն
08.10.2025 | 20:23
Կասպից ծովի երկրների ռազմածովային նավատորմերը ստորագրել են Կասպից ծովում համապարփակ ռազմավարական համագործակցության վերաբերյալ փաստաթուղթ։ Ադրբեջանական լրատվամիջոցների հաղորդմամբ՝ փաստաթուղթը ստորագրվել է Ադրբեջանի, Իրանի, Ռուսաստանի և Ղազախստանի ռազմածովային հրամանատարների միջև։
Փաստաթղթի համաձայն՝ կողմերը համաձայնել են ամրապնդել համագործակցությունը բոլոր ոլորտներում՝ Կասպից ծովում կայուն անվտանգությունն ապահովելու համար։ Նշվում է, որ տարածաշրջանից դուրս գտնվող ոչ մի երկրի կամ ուժի թույլ չի տրվի միջամտել Կասպից ծովի ներքին գործերին։
Անվտանգությունը և Կասպից ծովին վերաբերող բոլոր հարցերի լուծումը կապահովվեն բացառապես Կասպից ծովի ափամերձ պետությունների որոշումների հիման վրա։
Ռուսաստանն էլ Իրանին, Ղազախստանին և Ադրբեջանին առաջարկել է Կասպից ծովի երկրների միջև համատեղ ռազմածովային զորավարժություններ անցկացնել, հայտնում է Ռուսաստանի պաշտպանության նախարարությունը։ Այս առաջարկը ներկայացվել է Ռուսաստանի, Իրանի, Ղազախստանի և Ադրբեջանի ռազմածովային ուժերի հրամանատարների հանդիպման ժամանակ, որտեղ ռուսական պատվիրակությունը գլխավորել է Ռուսաստանի ռազմածովային ուժերի գլխավոր հրամանատար Ալեքսանդր Մոիսեևը։
2026 թվականի համար առաջարկվող զորավարժությունների նպատակը կլինի նավագնացության և ծովային տնտեսական օբյեկտների անվտանգության ապահովման մշակումը։ Նախատեսվում է գործնականում մշակել համագործակցությունը Կասպից ծովում որոնողական-փրկարարական գործողություններում։
Թարգմանությունը՝ Էմմա Չոբանյանի
