19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
ԿԸՀ-ն բաշխել է Վաղարշապատ համայնքի ՏԻՄ ընտրություններում ՏԻՄ նախագահի և քարտուղարի պաշտոնները
Հասարակություն
08.10.2025 | 17:41
ՀՀ կենտրոնական ընտրական հանձնաժողովը հոկտեմբերի 8-ի հերթական նիստում բաշխել է 2025 թվականի նոյեմբերի 16-ի Վաղարշապատ համայնքի ՏԻՄ ընտրություններում տեղամասային ընտրական հանձնաժողովի նախագահի և քարտուղարի պաշտոնները՝ Ազգային ժողովում խմբակցություն ունեցող կուսակցության, կուսակցությունների դաշինքների միջև։ Այս մասին տեղեկացնում են ԿԸՀ լրատվության ծառայությունից։
«Տեղամասային ընտրական հանձնաժողովներում հանձնաժողովի նախագահի և քարտուղարի պաշտոններն Ազգային ժողովում խմբակցություն ունեցող կուսակցության, կուսակցությունների դաշինքների միջև «Ընտրություններ» ավտոմատացված համակարգի միջոցով բաշխվել են հետևյալ համամասնությամբ`
«Քաղաքացիական պայմանագիր» կուսակցություն` 31-ական,
«Հայաստան» կուսակցությունների դաշինք` 13-ական,
«Պատիվ ունեմ» կուսակցությունների դաշինք` 3-ական։
Տեղամասային ընտրական հանձնաժողովներում անդամներ նշանակելու մասին հայտերը Կենտրոնական ընտրական հանձնաժողով ներկայացվում են 2025 թվականի հոկտեմբերի 17-ից մինչև հոկտեմբերի 22-ը` մինչև ժամը 18.00-ն:
Տեղամասային ընտրական հանձնաժողով ձևավորելու իրավասություն ունեցող սուբյեկտները՝ Ազգային ժողովում խմբակցություն ունեցող կուսակցության, կուսակցությունների դաշինքները և Ընտրատարածքային ընտրական հանձնաժողովներն իրենց էլեկտրոնային օգտահաշիվներում կարող են մուտքագրել թեկնածուների տվյալները»,- ասված է հաղորդագրության մեջ։
