29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Օկամպոն կասկածի տակ է դնում Ռուբեն Վարդանյանի հարցով ՄԱԿ-ի խմբի եզրակացությունը․ պարզվել է խմբի անդամի կապը SOCAR-ի հետ
Քաղաքականություն
08.10.2025 | 17:02
2025 թվականի փետրվարի 17-ին Անձանց կամայական կալանավորման հարցերով ՄԱԿ-ի աշխատանքային խումբը (UNWGAD) հրապարակել էր թիվ 46/2024 եզրակացությունը՝ Բաքսում ապօրինի պահվող Ռուբեն Վարդանյանի կալանավորման վերաբերյալ: Խումբը եզրակացրել էր, որ Վարդանյանի կալանավորումն Ադրբեջանի կողմից կամայական չէր։
Միջազգային քրեական դատարանի առաջին դատախազ Լուիս Մորենո Օկամպոն, սակայն, փորձագիտական կարծիք է ներկայացրել, որը բացահայտում է շահերի բախման իրական պատկերը, որը լուրջ կասկածներ է առաջացնում ՄԱԿ-ի հանձնախմբի անաչառության վերաբերյալ, փոխանցում է Free Armenian hostages-ը իր ֆեյսբուքյան էջում։
Մասնավորապես, պարզվել է, որ խմբի ներկայիս նախագահող Գաննա Յուդկիվսկան Equity Law Firm-ի գործընկեր է, որն Ուկրաինայում ներկայացնում է Ադրբեջանի պետական նավթային ընկերությունը՝ SOCAR-ը։ Սա ուղղակի ֆինանսական կապ է Ադրբեջանի հետ, որը Վարդանյանի գործով կողմերից մեկն է։ ՄԱԿ-ի կանոնները պահանջում են բացառիկ անկախություն և ինքնաբացարկում, երբ առկա է շահերի բախում։
Փոխարենը, Յուդկիվսկան չի բացահայտել SOCAR-ի հետ կապը, չի հայտնել ինքնաբացարկ, մասնակցել է թիվ 46/2024 կարծիքին։
Նշվում է, որ Յուդկիվսկայի ամուսինը ադրբեջանական արմատներով ուկրաինացի քաղաքական գործիչ է (անունը չի հաղորդվում), որը մեղադրվում է կոռուպցիայի մեջ, ամուր կապեր ունի Ադրբեջանի հետ և հրապարակայնորեն աջակցել է Արցախի շուրջ Ադրբեջանի նախագահ Իլհամ Ալիևի դիրքորոշմանը։
Օկամպոն եզրակացնել է, որ Յուդկիվսկայի մասնակցությունը թիվ 46/2024 կարծիքին, խախտում է ՄԱԿ-ի վարքագծի կանոնագիրքը, WGAD-ի աշխատանքային մեթոդները, ՄԱԿ-ի աշխատակազմի կանոնակարգը շահերի բախման վերաբերյալ։
Այս ամենը լուրջ կասկածի տակ է դնում թիվ 46/2024 կարծիքի անաչառությունը։
Նշվում է, որ ՄԱԿ-ը պետք է անհապաղ վերանայի այս գործը։
