12.01.2026 | 09:49
Թրամփը՝ «Վենեսուելայի նախագահի պաշտոնակատար»․ ԱՄՆ նախագահը truthsocial-ում լուսանկար է հրապարակել
Իսրայելական բանակը կանգնեցրել է Գազա ուղևորվող ևս մեկ նավատորմ ու ձերբակալել տասնյակ ակտիվիստների
Քաղաքականություն
08.10.2025 | 15:43
Իսրայելական զինվորականները չորեքշաբթի վաղ առավոտյան Միջերկրական ծովում կանգնեցրել են ինը նավից բաղկացած նավատորմ, որը փորձում էր ճեղքել Իսրայելի կողմից Գազայի ծովային շրջափակումը, և ձերբակալել նավի վրա գտնվող տասնյակ ակտիվիստների։ Այս մասին հայտնել են նավատորմի կազմակերպիչները և Իսրայելի արտաքին գործերի նախարարությունը, գրում է France 24-ը։
Իսրայելական գերատեսչությունը հայտնել է, որ «Ազատության նավատորմի» (Freedom Flotilla) կոալիցիայի և «Thousand Madleens to Gaza» կազմակերպությանъ Գազա մեկնող 145 ակտիվիստները լավ վիճակում են և տեղափոխվում են Իսրայելի ափ։ Այնուհետև նրանց արտաքսելու են։
Այս ձերբակալությունը տեղի է ունենում այն բանից հետո, երբ նախորդ նավատորմի մոտ 450 ակտիվիստներ, այդ թվում՝ եվրոպացի օրենսդիրներ և հայտնի կլիմայական ակտիվիստ Գրետա Թունբերգը, անցյալ շաբաթ ձերբակալվել էին ավելի քան 40 նավակներով, որոնք փորձում էին հասնել Գազա՝ խորհրդանշական քանակությամբ մարդասիրական օգնություն տեղափոխելով։
Ավելի ուշ Իսրայելի իշխանությունները նրանց արտաքսել էին երկրից։
Թարգմանությունը՝ Էմմա Չոբանյանի
