20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Հայտարարվել են քիմիայի ոլորտում Նոբելյան մրցանակի դափնեկիրները
Քաղաքականություն
08.10.2025 | 15:18
Շվեդիայի գիտությունների թագավորական ակադեմիան որոշել է 2025 թվականի քիմիայի ոլորտում Նոբելյան մրցանակը շնորհել Սուսումու Կիտագավային, Ռիչարդ Ռոբսոնին և Օմար Մ. Յագիին՝ «մետաղաօրգանական կառուցվածքների մշակման համար»։ Այս կառուցվածքները, որոնք հայտնի են որպես մետաղ-օրգանական կառուցվածքներ, կարող են օգտագործվել անապատում օդից ջուր արդյունահանելու, ածխաթթու գազ կլանելու, թունավոր գազեր պահելու կամ քիմիական ռեակցիաներ կատալիզացնելու համար։
«Մետաղ-օրգանական կառուցվածքները հսկայական ներուժ են առաջարկում՝ բացելով նախկինում անկանխատեսելի հնարավորություններ նոր գործառույթներով նյութեր ստեղծելու համար»,- նշել է քիմիայի Նոբելյան կոմիտեի նախագահ Հայներ Լինկեն:
2024 թվականին Դեյվիդ Բեյքերը, Դեմիս Հասաբիսը և Ջոն Ջամփերն էին արժանացել քիմիայի ոլորտում Նոբելյան մրցանակին:
AlphaFold2 ծրագրի ստեղծողներ Հասաբիսը և Ջամփերը մրցանակը ստացել էին «եռաչափ սպիտակուցային կառուցվածքների կանխատեսման», իսկ Բեյքերը՝ «սպիտակուցների համակարգչային դիզայնի» համար:
Թարգմանությունը՝ Էմմա Չոբանյանի
